വേനല്ക്കാലം ശക്തമാകുമ്ബോള് ഉറക്കമില്ലായ്മ പലരുടെയും സ്ഥിരം പ്രശ്നമാകുന്നു. വേനല്ക്കാലത്ത് ഉയർന്ന താപനിലയും ഈർപ്പവും ശരീരത്തിന്റെ സ്വാഭാവിക താപനിയന്ത്രണ സംവിധാനത്തെ ബാധിക്കുന്നതിനാല് ആണ് ഇങ്ങനെ സംഭവിക്കുന്നത്.
രാത്രിയിലും ചൂട് കുറയാത്ത സാഹചര്യത്തില് ശരീരം തണുപ്പിക്കാൻ കഴിയാതെ വരികയും, ഫാനില് നിന്നുള്ള ചൂടുകാറ്റ് അസ്വസ്ഥത കൂട്ടുകയും ചെയ്യുന്നു. ഇതിന്റെ ഫലമായി ഉറങ്ങാൻ വൈകുക, ഇടയ്ക്കിടെ ഉണരുക, ഗാഢനിദ്ര ലഭിക്കാതിരിക്കുക തുടങ്ങിയ പ്രശ്നങ്ങള് അനുഭവപ്പെടാം. എന്നാല് ചെറിയ ചില മാറ്റങ്ങള് കൊണ്ടു തന്നെ ഈ പ്രശ്നം നിയന്ത്രിക്കാനാകും.
മുറി തണുപ്പായി സൂക്ഷിക്കുക-
പകല് സമയം ജനലുകളും കട്ടിയുള്ള കർട്ടനുകളും അടച്ചിടുന്നത് ചൂട് മുറിയില് കയറുന്നത് തടയും. വൈകുന്നേരങ്ങളില് ജനല് തുറക്കുന്നത് തണുത്ത വായു അകത്തേക്ക് എത്താൻ സഹായിക്കും.
ഉറങ്ങുന്നതിന് മുൻപ് കുളിക്കുക-
ചെറുചൂടുവെള്ളത്തില് കുളിക്കുന്നത് ശരീരം റിലാക്സ് ആക്കുകയും ശരീരത്തിലെ ചൂട് കുറയ്ക്കുകയും ചെയ്യും. ഇത് നല്ല ഉറക്കത്തിന് സഹായകമാണ്.
ഫാനിനൊപ്പം ചെറിയ ട്രിക്ക്-
ഫാനിന് താഴെ ഐസ് ക്യൂബുകളോ തണുത്ത വെള്ളം നിറച്ച ഒരു ബൗളോ വെക്കുക. ഇത് മുറിയിലെ താപനില കുറയ്ക്കാൻ സഹായിക്കും.
ലൈറ്റുകള് ഓഫ് ചെയ്യുക-
ലൈറ്റുകള് ചൂട് ഉത്പാദിപ്പിക്കുന്നതിനാല് ഉറങ്ങുമ്ബോള് അവ അണച്ചിടുന്നത് മുറി കൂടുതല് തണുപ്പായി നിലനിർത്തും.
ശരിയായ വസ്ത്രവും ബെഡ്ഷീറ്റും-
ഇളം നിറത്തിലുള്ള കോട്ടണ് വസ്ത്രങ്ങള് ധരിക്കുക. കട്ടിയുള്ള ബെഡ്ഷീറ്റുകള് ഒഴിവാക്കി കോട്ടണ് വിരിപ്പുകള് ഉപയോഗിക്കുക.
വെള്ളം കുടിക്കല് ശ്രദ്ധിക്കുക-
പകല് സമയം ധാരാളം വെള്ളം കുടിക്കുക. എന്നാല് ഉറങ്ങുന്നതിന് തൊട്ടുമുമ്ബ് അധികം വെള്ളം കുടിക്കുന്നത് ഒഴിവാക്കുക, അത് ഉറക്കത്തെ തടസ്സപ്പെടുത്താം.
ശരീരത്തെ തണുപ്പിക്കുന്ന ഭക്ഷണം-
തൈര്, മോര്, നാരങ്ങാവെള്ളം, കരിക്കിൻ വെള്ളം എന്നിവ ശരീരത്തിലെ ചൂട് കുറയ്ക്കാൻ സഹായിക്കും.
ലഘുഭക്ഷണം തിരഞ്ഞെടുക്കുക-
രാത്രിയില് ലഘുവായ ഭക്ഷണം കഴിക്കുക. എരിവും ചൂടും കൂടിയ ഭക്ഷണങ്ങള് ഒഴിവാക്കുക.
കഫൈൻ കുറയ്ക്കുക-
ഉച്ചയ്ക്ക് ശേഷം കാപ്പി പോലുള്ള കഫൈൻ പാനീയങ്ങള് കുറയ്ക്കുകയോ ഒഴിവാക്കുകയോ ചെയ്യുക. ഇത് നല്ല ഉറക്കത്തിന് സഹായിക്കും.
ജീവിതശൈലിയില് ചെറിയ മാറ്റങ്ങള് കൊണ്ടു തന്നെ വേനല്ച്ചൂടിലും ശാന്തമായ ഉറക്കം നേടാം. ശരീരവും മനസും തണുപ്പായി സൂക്ഷിക്കുന്നതാണ് നല്ല ഉറക്കത്തിന്റെ രഹസ്യം.