Wednesday, 27 Jan, 4.58 pm Media One TV

ദേശീയം
ഡല്‍ഹി സംഘര്‍ഷം : അക്രമത്തില്‍ നിന്ന് രക്ഷപ്പെടാന്‍ താഴ്ചയിലേക്ക് ചാടി പൊലീസുകാര്‍

റിപ്പബ്ലിക്ക് ദിനത്തില്‍ നടന്ന കിസാന്‍ പരേഡിനിടെ നടന്ന അക്രമങ്ങളില്‍ നിന്ന് രക്ഷപ്പെടാന്‍ മതില്‍ ചാടുന്ന പൊലീസുകാരുടെ ദൃശ്യങ്ങള്‍ സാമൂഹിക മാധ്യമങ്ങളില്‍ വൈറലായി. വാര്‍ത്താ ഏജന്‍സിയായ എ.എന്‍.ഐ പുറത്തുവിട്ട ചെങ്കോട്ടയില്‍ നിന്നുള്ള ഒരു വിഡിയോയില്‍ അക്രമത്തില്‍ നിന്ന് രക്ഷപ്പെടാന്‍ പൊലീസുകാര്‍ പതിനഞ്ച് അടിയോളം താഴ്ചയിലേക്ക് ചാടുന്നതായി കാണാം.

പൊലീസുകാരെയും അര്‍ധസൈനികരെയും ലാത്തികൊണ്ടും വടികള്‍കൊണ്ടും തല്ലുന്നതായി ദൃശ്യങ്ങളില്‍ കാണാം. ഒരു ഡസനിലധികം പൊലീസുകാര്‍ക്ക് നേരെയാണ് ആര്‍ത്തലച്ചു വന്ന ജനക്കൂട്ടം ആക്രമിച്ചത്. കുറച്ച്‌ പൊലീസുകാര്‍ ചെറുത്തുനില്‍ക്കാന്‍ ശ്രമിച്ചെങ്കിലും അക്രമം രൂക്ഷമായതോടെ മതില്‍ ചാടുകയായിരുന്നു.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: MediaOneTV
Top