നാദാപുരം : വിശുദ്ധ ഖുർആൻ മനുഷ്യ സമൂഹത്തിനുള്ള മാർഗ്ഗദർശനമാണെന്നും കാലാന്ത്യം വരെ മാറ്റി തിരുത്തലുകളില്ലാതെ നിലനില്ക്കുന്ന അത്ഭുതമാണെന്നും ഖുർആനിക പഠനം അനിവാര്യമാണെന്നും ഇന്ത്യൻ ഗ്രാന്റ് മുഫ്തി കാന്തപുരം എപി അബൂബക്കർ മുസ്ലിയാർ വ്യക്തമാക്കി.
കുമ്മങ്കോട് പ്രദേശത്ത് സിറാജുല് ഹുദാ സ്ഥാപന സംരംഭത്തിന്റെ ഭാഗമായി നിർമിച്ച സിറാജുല് ഹുദാ കോളേജ് ഓഫ് ഖുർആൻ ആൻഡ് ഇൻ്റഗ്രേറ്റഡ് സ്റ്റഡീസ് കെട്ടിടത്തിൻ്റെ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
വിശുദ്ധ ഖുർആൻ ഉള്പ്പെടെയുള്ള വിജ്ഞാന മേഖലകളിലും സാമൂഹിക മുന്നേറ്റ മേഖലകളിലും സിറാജുല് ഹുദ യുടെ പ്രവർത്തനങ്ങള് മാതൃകാപരമാണെന്നും അദ്ദേഹം കൂട്ടിച്ചേർത്തു.
ചടങ്ങില് സമസ്ത ഉപാധ്യക്ഷൻ സയ്യിദ് അലി ബാഫഖി തങ്ങള് പ്രാർത്ഥന നിർവ്വഹിച്ചു. ഇന്ത്യൻ ഗ്രാന്റ് മുഫ്തി കാന്തപുരം ഉസ്താദ് നിർവ്വഹിച്ചു. സമസ്ത സെക്രട്ടറിയും സിറാജുല് ഹുദാ കാര്യദർശിയുമായ പേരോട് അബ്ദുറഹ്മാൻ സഖാഫി സ്ഥാപനങ്ങളുടെ പ്രവർത്തന രീതിയും ലഷ്യങ്ങളും വിശദീകരിക്കുകയും പുതിയ പദ്ധതികളുടെ പ്രഖ്യാപനം നടത്തുകയും ചെയ്തു.
സയ്യിദ് ത്വാഹാ തങ്ങള്, കൊടക്കല് കോയകുഞ്ഞി തങ്ങള്, വി പി എം ഫൈസി വില്ല്യാപ്പള്ളി, സൂപ്പി നരിക്കാട്ടേരി, കെ.കെ നവാസ്, മുബശ്ശിർ സുറൈജി തുടങ്ങിയവരും മറ്റു മത, സാമൂഹിക, സാംസ്കാരിക രാഷ്ട്രീയ മേഖലകളിലെ നേതാക്കളും ചടങ്ങില് സംബന്ധിച്ചു.
Content Highlight: Sirajul Huda's work is exemplary - Kanthapuram Ustad, Kanthapuram AP Abubacker Musliyar
#####