നമ്മുടെ അടുക്കളകളില്‍ എപ്പോഴും ലഭ്യമാകുന്ന ഒന്നാണ് തക്കാളി. ചർമസംരക്ഷണത്തിന് തക്കാളി മികച്ച ഉപാധിയാണ്. തക്കാളിയിലടങ്ങിയിരിക്കുന്ന വൈറ്റമിൻ സി, ലൈക്കോപീൻ, മറ്റ് പോഷകങ്ങള്‍ എന്നിവ ചർമത്തിലെ കറുത്ത പാടുകള്‍ മാറ്റാനും പ്രായമാകുന്നതിന്റെ ലക്ഷണങ്ങള്‍ കുറയ്ക്കാനും സഹായിക്കുന്നു.

നിങ്ങളുടെ ചർമത്തിനു തിളക്കം നല്‍കാനും മറ്റു പ്രശ്നങ്ങളെ അകറ്റാനും സഹായിക്കുന്ന കിടിലൻ തക്കാളി പൊടിക്കൈകള്‍ പരിചയപ്പെടാം.

തക്കാളിയും തേനും

തക്കാളിയിലെ ആസിഡ് സ്വഭാവം ചർമത്തിലെ അഴുക്കുകളെ നീക്കുമ്പോള്‍, തേൻ ചർമത്തിന് ആവശ്യമായ ഈർപ്പം നല്‍കുന്നു. ചർമത്തിനു നല്ല തിളക്കം ലഭിക്കാൻ 2 സ്പൂണ്‍ തക്കാളി നീരും, 1 സ്പൂണ്‍ തേനും ആണ് ആവശ്യം. ഇവ നന്നായി യോജിപ്പിച്ച്‌ മുഖത്തും കഴുത്തിലും പുരട്ടുക. 15 മിനിറ്റിനു ശേഷം തണുത്ത വെള്ളത്തില്‍ കഴുകിക്കളയാം. ആഴ്ചയില്‍ രണ്ടുതവണ ഇത് ചെയ്യാം.

തക്കാളിയും നാരങ്ങാനീരും

നാരങ്ങാനീരിലെ ബ്ലീച്ചിങ് ഗുണങ്ങളും തക്കാളിയും ചേരുമ്പോള്‍ മുഖത്തെ കറുത്ത പാടുകളും വെയിലേറ്റ് ഉണ്ടാകുന്ന കരിവാളിപ്പും വേഗത്തില്‍ മാറുന്നു. ഇതുവഴി ചർമം കണ്ണാടി പോലെ തിളങ്ങും. ആദ്യം 1 സ്പൂണ്‍ തക്കാളി നീരും, കുറച്ച്‌ തുള്ളി നാരങ്ങാനീരും എടുക്കുക. ഇത് പഞ്ഞി ഉപയോഗിച്ച്‌ മുഖത്ത് പാടുകളുള്ള ഭാഗങ്ങളില്‍ പുരട്ടുക. 10-12 മിനിറ്റിനു ശേഷം കഴുകിക്കളയാം. സെൻസിറ്റിവ് ചർമമുള്ളവർ നാരങ്ങാനീര് ഉപയോഗിക്കുമ്പോള്‍ ശ്രദ്ധിക്കുക.

തക്കാളിയും തൈരും