ദേശീയ ചലച്ചിത്ര വികസന കോർപ്പറേഷനും (എൻഎഫ്‌ഡിസി) നാഷണല്‍ ഫിലിം ആർക്കൈവ് ഇന്ത്യയുമായി സഹകരിച്ചുകൊണ്ട് സെവൻ ആർട്‌സ് ഇന്റർനാഷണല്‍ ലിമിറ്റഡ് അവതരിപ്പിക്കുന്ന ചിത്രം ജൂലൈ മൂന്ന് മുതല്‍ 4K ദൃശ്യമികവില്‍ തിയേറ്ററുകളില്‍ റീ - റിലീസായി എത്തും. കൊച്ചിയിലെ സ്വകാര്യ ഹോട്ടലില്‍ ചിത്രത്തിന്റെ ട്രെയ്‌ലർ ലോഞ്ച് നടന്നു.

1989ല്‍, 37 വർഷം മുൻപ് പുറത്തിറങ്ങിയ 'കിരീടം' ഇപ്പോഴും ആഘോഷിക്കപ്പെടുന്നതില്‍ സന്തോഷമുണ്ടെന്നും, മലയാള സിനിമയിലെ അത്ഭുതമാണ് ചിത്രമെന്നും ട്രെയ്‌ലർ ലോഞ്ച് ചടങ്ങില്‍ മോഹൻലാല്‍ പറഞ്ഞു. അഭിനയജീവിതത്തിലെ എക്കാലത്തെയും മികച്ച ചിത്രങ്ങളിലൊന്നാണിതെന്ന് നായിക പാർവതിയും ഓർത്തെടുത്തു.

സിനിമ കാലാനുവർത്തിയായതില്‍ സന്തോഷമെന്നും, പ്രേക്ഷകർ ഇന്നും ചർച്ച ചെയ്യുന്നുവെന്നും സംവിധായകൻ സിബി മലയിലും പറഞ്ഞു. ചിത്രത്തിലെ അഭിനേതാക്കളായ നടൻ ജഗദീഷ് , മണിയൻപിള്ള രാജു ഉള്‍പ്പെടെയുള്ള താരങ്ങളും ട്രെയ്‌ലർ ലോഞ്ച് ചടങ്ങില്‍ പങ്കെടുത്തു. തിരശീലയ്ക്ക് മുന്നിലും പിന്നിലും പ്രവർത്തിച്ച മണ്‍മറഞ്ഞുപോയവരെ ട്രെയ്‌ലർ ലോഞ്ച് ചടങ്ങില്‍ അനുസ്മരിച്ചു. ദേശീയ ചലച്ചിത്ര വികസന കോർപ്പറേഷൻ പ്രതിനിധികള്‍ ഉള്‍പ്പെടെ നിരവധി പേർ പരിപാടിയില്‍ പങ്കെടുത്തു.