ഇളയരാജയേയോ, അദ്ദേഹത്തിന്റെ സംഭാവനകളെയോ, അവകാശങ്ങളെയോ ഏതെങ്കിലും രീതിയില്‍ അപമാനിക്കുകയോ വേദനിപ്പിക്കുകയോ ചെയ്യാനുള്ള യാതൊരു ഉദ്ദേശ്യവും ഉണ്ടായിരുന്നില്ല. ആ പരാമർശം സിനിമയിലെ ഒരു വിശാലമായ ആക്ഷേപഹാസ്യ സാഹചര്യത്തിന്റെ ഭാഗമായിരുന്നു. വ്യക്തിപരമായ പരാമർശമായി അതിനെ ഉദ്ദേശിച്ചിരുന്നില്ല.

എന്നിരുന്നാലും, അദ്ദേഹത്തിന്റെ വികാരങ്ങളെ ഞങ്ങള്‍ അതിയായ ബഹുമാനത്തോടെയാണ് കാണുന്നത്. അതിനാല്‍, അദ്ദേഹത്തോടുള്ള ആദരസൂചകമായി, ഭാവിയിലെ പതിപ്പുകളിലും സിനിമയുടെ തുടർ പ്രദർശനങ്ങളിലും പ്രസ്തുത ഭാഗം നീക്കം ചെയ്യുകയോ ആവശ്യമായ മാറ്റങ്ങള്‍ വരുത്തുകയോ ചെയ്യാൻ തീരുമാനിച്ചിരിക്കുന്നു.

ഇളയരാജയോടുള്ള ഞങ്ങളുടെ ഹൃദയംഗമമായ ആദരവും ബഹുമാനവും വീണ്ടും രേഖപ്പെടുത്തുന്നു.

അതേസമയം, റിലീസായി നാല് ദിനം കൊണ്ട് 147 കോടിയിലധികം വേള്‍ഡ് വൈഡ് കളക്ഷനുമായി സൂര്യയുടെ കരിയർ ബെസ്റ്റ് കളക്ഷനിലേക്ക് കുതിക്കുകയാണ് 'കറുപ്പ്'. കേരളത്തിലും ഗംഭീര പ്രേക്ഷക പ്രതികരണവും മികച്ച കളക്ഷനും ലഭിക്കുന്ന ചിത്രത്തിന് ലോകവ്യാപകമായി ഹൗസ്ഫുള്‍ ഫാസ്റ്റ് ഫില്ലിങ് ഷോകളാണ് ലഭിക്കുന്നത്. ഇത് വരും ദിവസങ്ങളിലും തുടരും എന്നാണ് നിർമാതാക്കള്‍ പ്രതീക്ഷിക്കുന്നത്.

ആർജെ ബാലാജിയാണ് 'കറുപ്പ്' സിനിമ സംവിധാനം ചെയ്തിരിക്കുന്നത്. സൂര്യക്ക് പുറമേ തൃഷ, ഇന്ദ്രൻസ്, നാട്ടി, സ്വാസിക, അനഘ മായ രവി, ശിവദ, സുപ്രീത് റെഡ്ഡി തുടങ്ങിയവരാണ് ചിത്രത്തിലെ പ്രധാന വേഷങ്ങളില്‍ എത്തുന്നത്. പിആർഒ ആൻഡ് പ്രൊമോഷൻസ്: പ്രതീഷ് ശേഖർ.