ഓഗസ്റ്റ് ഏഴിന് തിയേറ്ററുകളില്‍ എത്തിയ ചിത്രം ബ്ലോക്ക്ബസ്റ്റർ വിജയം സ്വന്തമാക്കിയ ശേഷമാണ് ഒടിടിയിലേക്ക് എത്തുന്നത്. സണ്‍ പിക്ചേഴ്സിന്റെ ബാനറില്‍ കലാനിധി മാരനാണ് 'ഡിസി' നിർമിച്ചിരിക്കുന്നത്.

സൂപ്പർ ഹിറ്റ് സംവിധായകൻ ലോകേഷ് കനകരാജ് നായകനായി അരങ്ങേറ്റം കുറിച്ച ഈ ചിത്രത്തില്‍, വാമിക ഗബ്ബിയാണ് നായികയായി എത്തിയിരിക്കുന്നത്. കേരളത്തിലും ചിത്രത്തിന് വമ്പൻ സ്വീകരണമാണ് പ്രേക്ഷകരില്‍ നിന്ന് ലഭിച്ചത്. ഗംഭീരമായി ഒരുക്കിയ വയലൻസ് സീക്വൻസുകളാണ് ചിത്രത്തെ വേറിട്ട് നിർത്തുന്നത്. അനിരുദ്ധ് രവിചന്ദറിന്റെ പശ്ചാത്തല സംഗീതവും ഗാനങ്ങളുമാണ് സിനിമയുടെ മറ്റൊരു ഹൈലൈറ്റ്.

'റോക്കി', 'സാനി കായിദം', 'ക്യാപ്റ്റൻ മില്ലർ' എന്നീ ചിത്രങ്ങള്‍ക്ക് ശേഷം അരുണ്‍ മാതേശ്വരൻ സംവിധാനം ചെയ്ത ചിത്രമാണിത്. സഞ്ജന കൃഷ്ണമൂർത്തി, അവിനാശ് എന്നിവരാണ് ചിത്രത്തിലെ മറ്റു പ്രധാന വേഷങ്ങള്‍ ചെയ്തിരിക്കുന്നത്. സെപ്റ്റംബർ നാലിന് ചിത്രത്തിന്റെ സ്ട്രീമിങ് ആരംഭിക്കും. സണ്‍ നെക്സ്റ്റാണ് സ്ട്രീമിങ് അവകാശങ്ങള്‍ സ്വന്തമാക്കിയിരിക്കുന്നത്.

അഡീഷണല്‍ സ്ക്രീൻപ്ലേ: അരുണ്‍ രഞ്ജൻ, സംഭാഷണം: അരുണ്‍ മാതേശ്വരൻ, ഫ്രാങ്ക്ളിൻ ജേക്കബ്, ഛായാഗ്രഹണം: മുകേഷ് ജി, ചിത്രസംയോജനം: ജി കെ പ്രസന്ന, അസോസിയേറ്റ് എഡിറ്റർ: ഹരീഷ് അരുണ്‍ എം, കലസംവിധാനം: കണ്ണൻ എസ്, സ്റ്റണ്ട്: പിസി സ്റ്റണ്ട്സ്, വസ്ത്രാലങ്കാരം: അരുണ്‍ മാതേശ്വരൻ, കോസ്റ്റ്യൂമർ: പെരുമാള്‍ ശെല്‍വം, ചമയം: വിനോദ് സുകുമാരൻ, സ്റ്റില്‍സ്: അമീർ, ശബ്ദലേഖനം: സിങ്ക് സിനിമാസ്, ഓഡിയോഗ്രാഫി: വിനയ് ശ്രീധർ, അറ്റ്മോസ് മിക്സ് അസിസ്റ്റന്റ്: വിഘ്നേഷ് ഗുരു (നാക്ക് സ്റ്റുഡിയോസ്), കളറിസ്റ്റ്: രംഗ, വിഷ്വല്‍ ഇഫക്‌ട്സ്: പ്രവീണ്‍ ഡി, പബ്ലിസിറ്റി ഡിസൈനർ: കബിലൻ ചെല്ലയ്യ, പ്രൊഡക്ഷൻ കണ്‍ട്രോളർ: ഡി രമേശ് കുച്ചിരായർ, കെ.ടി.എസ്. സ്വാമിനാഥൻ. പിആർഒ - ശബരി.