ശശി 50 ലക്ഷം നല്‍കിയെന്ന് ഇ.എൻ. സുരേഷ് ബാബു ആരോപിച്ചു. എറണാംകുളത്തെ ഏജൻസി വഴിയാണ് പണം കൈമാറിയത്. നിലവിലെ ബിജെപി സ്ഥാനാർഥിക്ക് ഡീല്‍ അറിയാമെന്നും സുരേഷ് ബാബു പറഞ്ഞു.

പാലക്കാട് ജില്ലയില്‍ ഇടതുപക്ഷം മികച്ച വിജയം നേടും. എൻഎംആർ റസാഖിന് പോകുന്ന ഒരോ വോട്ടും ബിജെപിക്ക് ആണെന്ന് പ്രചരിപ്പിക്കുന്നു. ഷാഫി പറമ്പില്‍ മത്സരിക്കുമ്പോള്‍ ഈ പ്രചരണമൊന്നും ഇല്ല. യുഡിഎഫിന് എൻഎംആർ റസാഖ് ഒന്നാം സ്ഥാനത്ത് എത്തിയതിൻ്റെ ബേജാറാണെന്നും ഇ.എൻ. സുരേഷ് ബാബു പറഞ്ഞു.

രമേശ് പിഷാരടി തോല്‍ക്കണമെന്ന് ആഗ്രഹിക്കുന്ന വ്യക്തി ഷാഫി പറമ്പിലാണ്. ഇതൊക്കെ ഷാഫിയുടെ കുതന്ത്രമാണ്. തോറ്റാല്‍ അടുത്ത തെരഞ്ഞെടുപ്പില്‍ ഷാഫിക്ക് മത്സരിക്കാനാണ് ഇത്തരം നീക്കം നടത്തുന്നതെന്നും ഇ.എൻ. സുരേഷ് ബാബു ചൂണ്ടിക്കാട്ടി.