ഇന്ത്യൻ സിനിമാലോകം ഏറെ ആകാംക്ഷയോടെ കാത്തിരിക്കുന്ന ആക്ഷൻ അഡ്വഞ്ചർ ചിത്രം 'നാഗബന്ധ'ത്തിന്റെ ട്രൈലെർ പുറത്ത്.
പുരാണങ്ങളും ചരിത്രവും സാഹസികതയും കൂട്ടിമുട്ടുന്ന ഒരു ആകർഷകമായ ലോകത്തേക്കാണ് ട്രൈലെർ കാഴ്ചക്കാരെ കൊണ്ടുപോകുന്നത്. വിരാട് കർണയെ നായകനാക്കി അഭിഷേക് നാമ സംവിധാനം ചെയ്ത ഈ ചിത്രം പരമ്പരാഗത പുരാണ നാടകങ്ങളില് നിന്നും വ്യത്യസ്തമായ ഒരു ദൃശ്യാനുഭവം തന്നെ സമ്മാനിക്കുമെന്നാണ് ആരാധകരുടെ പ്രതീക്ഷ. ജൂലൈ മൂന്നിനാണ് ചിത്രം ആഗോള റിലീസ് ആയി എത്തുന്നുത്.
അനന്ത പത്മനാഭ സ്വാമി ക്ഷേത്രത്തെയും, സങ്കല്പ്പിക്കാനാവാത്ത പ്രാധാന്യമുണ്ടെന്ന് വിശ്വസിക്കപ്പെടുന്ന ഒരു നിഗൂഢ അവശിഷ്ടമായ ബ്രഹ്മകമലത്തെയും ചുറ്റിപ്പറ്റിയാണ് കഥ. പുരാതന രഹസ്യങ്ങള് ചുരുളഴിയുമ്പോള്, ദിവ്യ നിധി അവകാശപ്പെടാനുള്ള അഭിലാഷങ്ങളുമായി ഒരു അപകടകരമായ ശക്തി ഉയർന്നുവരുന്നു. എന്നിരുന്നാലും, ആ തിന്മയെ തടയാൻ നാഗ സാധുക്കളോടൊപ്പം ദൈവം തന്നെ ഇടപെടുന്നു. മറഞ്ഞിരിക്കുന്ന നിധികള്, അമാനുഷിക ശക്തികള് എന്നിവ ഉള്പ്പെടുന്ന ഒരു പാളികളുള്ള സാഹസികതയെക്കുറിച്ച് ട്രെയിലർ സൂചന നല്കുന്നു.
അവസാന നിമിഷങ്ങളില് നാഗബന്ധത്തിന്റെ വെളിപ്പെടുത്തല് കൗതുകം വർധിപ്പിക്കുകയും അതിന്റെ നിഗൂഢത കണ്ടെത്താൻ പ്രേക്ഷകരെ ആകാംക്ഷാഭരിതരാക്കുകയും ചെയ്യുന്നു. ട്രെയിലറിലുടനീളം ശ്രദ്ധ പിടിച്ചുപറ്റുന്നത് വിരാട് കർണയാണ്. അദ്ദേഹത്തിന്റെ പരിവർത്തനവും സ്ക്രീൻ സാന്നിധ്യവും തീവ്രതയും ആത്മീയ ആഴവും ഉള്ക്കൊള്ളുന്ന ഒരു പ്രകടനത്തെ സൂചിപ്പിക്കുന്നു. കൂടാതെ നഭ നടേഷ്, ഐശ്വര്യ മേനോൻ, ദക്ഷ നാഗാർക്കർ, മഹേഷ് മഞ്ജരേക്കർ, ജഗപതി ബാബു, മുരളി ശർമ്മ തുടങ്ങി മറ്റ് കഥാപാത്രങ്ങളെയും ട്രെയിലർ പരിചയപ്പെടുത്തുന്നു.
'ആ കുഞ്ഞുങ്ങള് എന്തിയേടാ...', പൊലീസ് വേഷത്തില് റോഷന് മാത്യു; ആകാംക്ഷ നിറച്ച് 'ഉയിര്' ചിത്രത്തിന്റെ ട്രെയിലര്പ്രമുഖ നിർമാണ കമ്പനിയായ സീ സ്റ്റുഡിയോസ് ആണ് ഉത്തരേന്ത്യയിലെ വിതരണാവകാശം സ്വന്തമാക്കിയിരിക്കുകയാണ്. പ്രമുഖ സ്ട്രീമിങ് പ്ലാറ്റ്ഫോമായ ആമസോണ് പ്രൈം വീഡിയോ ഒടിടി അവകാശവും, തെലുങ്ക് സാറ്റലൈറ്റ് അവകാശം സ്റ്റാർ മായും സ്വന്തമാക്കിക്കഴിഞ്ഞു. അഭിഷേക് പിക്ചേഴ്സുമായി സഹകരിച്ച് നിക് സ്റ്റുഡിയോസിന്റെ ബാനറില് കിഷോർ അന്നപുറെഡ്ഡിയും നിഷിത നാഗി റെഡ്ഡിയും ചേർന്ന് നിർമിക്കുന്ന ചിത്രം, വമ്പിച്ച നിർമാണച്ചെലവിലും ലോകോത്തര സാങ്കേതിക നിലവാരത്തിലും ഒരു യഥാർഥ പാൻ-ഇന്ത്യൻ ദൃശ്യവിസ്മയമായാണ് ഒരുങ്ങുന്നത്.
2026ല് ഏറ്റവും കൂടുതല് കാത്തിരിക്കുന്ന റിലീസുകളില് ഒന്നായി അതിവേഗം മാറിയിരിക്കുകയാണ് 'നാഗബന്ധം'. ഛായാഗ്രഹണം - സൗന്ദർ രാജൻ എസ് , സംഗീതം - അഭേ, ജുനൈദ് കുമാർ, എഡിറ്റർ - ആർ.സി. പനവ്, സിഇഒ - വാസു പൊടിനി, പ്രൊഡക്ഷൻ ഡിസൈനർ - അശോക് കുമാർ, സംഭാഷണങ്ങള് - കല്യാണ് ചക്രവർത്തി, കോസ്റ്റ്യൂം ഡിസൈനർ - അശ്വിൻ രാജേഷ്, എക്സിക്യൂട്ടീവ് പ്രൊഡ്യൂസർ- അഭിനത്രി ജക്കല്, ആക്ഷൻ- വെങ്കട്ട്, വ്ലാഡ് റിംബർഗ്, കെച്ച, തിരക്കഥ വികസനം - ശ്രവണ്, രാജീവ് എൻ കൃഷ്ണ, വിഎഫ്എക്സ് - തണ്ടർ സ്റ്റുഡിയോസ്, വിഎഫ്എക്സ് സൂപ്പർവൈസർ - ദേവ് ബാബു ഗാന്ധി (ബുജ്ജി), പബ്ലിസിറ്റി ഡിസൈൻ - കാനി സ്റ്റുഡിയോ. കേരളത്തില് വിതരണത്തിനെത്തിക്കുന്നത് ഗുഡ് ഫെല്ലാസ് ഫിലിംസ് ആണ്. പി ആർ ഓ. ഐശ്വര്യ രാജ്