നിയമസഭാ തെരഞ്ഞെടുപ്പിലെ യുഡിഎഫിന്റെ ഉജ്ജ്വല വിജയത്തിന് പിന്നാലെ, കേരളത്തിന്റെ പുതിയ മുഖ്യമന്ത്രിയെ ഹൈക്കമാൻഡ് രണ്ട് ദിവസത്തിനകം തീരുമാനിക്കുമെന്ന് വി.ഡി.
സതീശൻ. പ്രതിപക്ഷ നേതൃസ്ഥാനം ഏറ്റെടുത്തപ്പോള് യുഡിഎഫിനെ തിരികെ കൊണ്ടുവരുമെന്ന് ദേശീയ നേതൃത്വത്തിന് നല്കിയ വാക്ക് പാലിക്കാനായതില് സന്തോഷമുണ്ടെന്ന് അദ്ദേഹം പറഞ്ഞു. തോറ്റാല് രാഷ്ട്രീയം വിടുമെന്ന് താൻ പറഞ്ഞിരുന്നുവെന്നും എന്നാല് വനവാസത്തിന് പോകുമെന്ന് അഹന്തയുടെ ഭാഷയില് ഒരിടത്തും പറഞ്ഞിട്ടില്ലെന്നും അദ്ദേഹം വ്യക്തമാക്കി.
ഇത് മതേതര കേരളത്തിന്റെ വിധിയെഴുത്താണെന്നും പുതിയ തലമുറയുടെ ഭാവിയാണ് യുഡിഎഫെന്നും സതീശൻ പറഞ്ഞു. ജാതിമത ചിന്തകള്ക്ക് അതീതമായി ജനങ്ങള് യുഡിഎഫിനെ സഹായിച്ചു. ഉത്തമരായ കമ്മ്യൂണിസ്റ്റുകാർ പോലും ഇത്തവണ സിപിഎം തോല്ക്കണമെന്ന് ആഗ്രഹിച്ചു. ആ വികാരമാണ് സിപിഎം കോട്ടകളില് വിള്ളലുണ്ടാക്കിയത്. ഒരൊറ്റ ഹർത്താലോ ബന്ദോ നടത്താതെയാണ് ഈ വിജയം നേടിയതെന്നും അദ്ദേഹം കൂട്ടിച്ചേർത്തു.
കോണ്ഗ്രസ് ചരിത്രത്തിലെ ഏറ്റവും വലിയ വിജയങ്ങളില് ഒന്നാണിത്. ഇടതുപക്ഷത്തിന്റെ സിറ്റിംഗ് സീറ്റുകളില് പോലും വിസ്മയിപ്പിക്കുന്ന മുന്നേറ്റമുണ്ടാക്കാൻ ടീം യുഡിഎഫിന് സാധിച്ചു. അമ്പലപ്പുഴയും തളിപ്പറമ്പും പയ്യന്നൂരും ഇതിന് സാക്ഷ്യം വഹിച്ചു. ബിജെപി-സിപിഎം ഡീല് ആരോപണങ്ങള്ക്കിടയില് അണികള് തന്നെ അത് പൊളിച്ചെഴുതിയെന്നും മാണി ഗ്രൂപ്പിനോട് വാതില് തുറന്നിട്ടിട്ടും അവർ വന്നില്ലെന്നും സതീശൻ മാധ്യമങ്ങളോട് പ്രതികരിച്ചു.
High Command to Decide Kerala CM in Two Days; VD Satheesan Hails UDF Victory as a Historic Mandate
The post മുഖ്യമന്ത്രിയെ 2 ദിവസത്തിനകം ഹൈക്കമാൻഡ് തീരുമാനിക്കും, യുഡിഎഫിന്റെ ഉജ്വല വിജയത്തില് സന്തോഷം പങ്കിട്ട് സതീശൻ, ‘വനവാസം’ അഹന്തയല്ല appeared first on NRI Reporter | Global News Updates.