വിഷയത്തില്‍ കരാർ ലംഘനം നടന്നിട്ടുണ്ടെന്ന് മുഖ്യമന്ത്രി തന്നെ മുൻപ് സമ്മതിച്ചിട്ടുള്ളതാണ്. എന്നാല്‍ ഇതിന്മേല്‍ അന്വേഷണം നടത്താനോ തുടർനടപടികള്‍ സ്വീകരിക്കാനോ സർക്കാർ തയ്യാറാകാത്തതിലും പുലർത്തുന്ന മൗനത്തിലും വലിയ ദുരൂഹതയുണ്ടെന്ന് പ്രതിപക്ഷ നേതാവ് ആരോപിച്ചു.

വിഷയത്തില്‍ വിഴിഞ്ഞം പോർട്ട് ലിമിറ്റഡ് നല്‍കിയ റിപ്പോർട്ട്, എജി നല്‍കിയ നിയമോപദേശം എന്നിവയുടെ അടിസ്ഥാനത്തില്‍ സർക്കാർ എന്തെല്ലാം നടപടികളാണ് സ്വീകരിച്ചതെന്ന് അറിയാൻ ജനങ്ങള്‍ക്ക് അവകാശമുണ്ട്. ഗുരുതരമായ കരാർ ലംഘനം നടന്നിട്ടും വിഷയം സെബിയുടെ (SEBI) ശ്രദ്ധയില്‍പ്പെടുത്താൻ സർക്കാർ തയ്യാറായിട്ടുണ്ടോ എന്ന് പിണറായി വിജയൻ തന്റെ കത്തിലൂടെ ചോദിച്ചു.

സംസ്ഥാനത്തിന് വലിയ സാമ്പത്തിക നഷ്ടവും തിരിച്ചടിയും ഉണ്ടാക്കുന്ന ഇത്തരം തീരുമാനങ്ങളില്‍ നിന്നും പിന്മാറാൻ സർക്കാർ തയ്യാറാകണം. കരാർ ലംഘനവുമായി ബന്ധപ്പെട്ട് ഇനി സ്വീകരിക്കാൻ പോകുന്ന തുടർനടപടികളില്‍ പ്രതിപക്ഷത്തെ കൂടി വിശ്വാസത്തിലെടുക്കാൻ സർക്കാർ തയ്യാറാകണമെന്നും പ്രതിപക്ഷ നേതാവ് കത്തിലൂടെ ആവശ്യപ്പെട്ടു.

Pinarayi Vijayan writes to CM VD Satheesan seeking clarity on Adani-MSC agreement issue