ദുരന്തത്തിന്റെ വിശദാംശങ്ങള്‍ ആരായുകയും കേന്ദ്ര സർക്കാരിന്റെ എല്ലാവിധ പിന്തുണയും സഹായങ്ങളും വാഗ്ദാനം ചെയ്യുകയും ചെയ്ത കേന്ദ്ര മന്ത്രി, കേരളം ഇതുവരെ നടപ്പിലാക്കിയ രക്ഷാപ്രവർത്തനങ്ങളില്‍ തൃപ്തി രേഖപ്പെടുത്തി. സംഭവത്തില്‍ ഉന്നതതല അന്വേഷണം വേണമെന്ന് അമിത് ഷാ ആവശ്യപ്പെട്ടപ്പോള്‍, മന്ത്രിസഭാ യോഗം വിഷയത്തില്‍ അന്വേഷണം നടത്താൻ തീരുമാനിച്ച കാര്യം മുഖ്യമന്ത്രി അദ്ദേഹത്തെ ധരിപ്പിച്ചു.

ദുരന്തത്തില്‍ സർക്കാർ ഇരട്ട അന്വേഷണമാണ് പ്രഖ്യാപിച്ചിരിക്കുന്നത്. സാങ്കേതിക നിയമ പരിശോധനയ്ക്ക് പുറമെ, പദ്ധതിക്കായി പാരിസ്ഥിതിക അനുമതി ലഭിച്ച വേളയില്‍ കേന്ദ്രം നല്‍കിയ നിർദ്ദേശങ്ങളും നിബന്ധനകളും കരാർ കമ്പനി കൃത്യമായി പാലിച്ചിട്ടുണ്ടോ എന്ന കാര്യത്തിലും വിപുലമായ പരിശോധന നടത്തുമെന്ന് മുഖ്യമന്ത്രി വാർത്താസമ്മേളനത്തില്‍ അറിയിച്ചു. ഈ രണ്ട് അന്വേഷണങ്ങളും പൂർത്തിയായ ശേഷം മാത്രമേ തുരങ്കപാത നിർമ്മാണം പുനരാരംഭിക്കുകയുള്ളൂവെന്നും അദ്ദേഹം വ്യക്തമാക്കി.

വയനാട് ദുരന്തത്തില്‍ ജീവൻ പൊലിഞ്ഞവരുടെ കുടുംബങ്ങള്‍ക്ക് 5 ലക്ഷം രൂപ വീതം ആശ്വാസ സഹായം നല്‍കുമെന്നും മുഖ്യമന്ത്രി പ്രഖ്യാപിച്ചു. കാണാതായവർക്കായുള്ള തിരച്ചിലും പരിക്കേറ്റവർക്കുള്ള ചികിത്സയും വേഗത്തില്‍ പുരോഗമിക്കുന്ന പശ്ചാത്തലത്തിലാണ് ദുരന്തത്തെക്കുറിച്ചുള്ള അന്വേഷണവും ധനസഹായ പ്രഖ്യാപനവും വന്നിരിക്കുന്നത്. അതേസമയം കാണാതായ 5 പേർക്കായുള്ള തിരച്ചില്‍ തുടരുകയാണ്.

Wayanad landslide: Amit Shah expresses satisfaction over Kerala’s response; State announces dual probe