ഏപ്രില് 11 ന് സെന്റ് പീറ്റേഴ്സ് ബസിലിക്കയില് ലോകസമാധാനത്തിനായി പ്രത്യേക ജാഗരണ പ്രാർഥന നടത്തുമെന്ന് ലെയോ പതിനാലാമൻ പാപ്പ പ്രഖ്യാപിച്ചു.
ഈസ്റ്റർ ദിനത്തില് വത്തിക്കാനിലെ സെന്റ് പീറ്റേഴ്സ് ബസിലിക്കയുടെ ബാല്ക്കണിയില് നിന്ന് നല്കിയ പരമ്പരാഗതമായ 'ഉർബി എത്ത് ഓർബി' സന്ദേശത്തിനിടെയാണ് മാർപാപ്പ ഈ സുപ്രധാന പ്രഖ്യാപനം നടത്തിയത്.
ആയുധങ്ങള്ക്കും രാഷ്ട്രീയനീക്കങ്ങള്ക്കുമപ്പുറം പ്രാർഥനയുടെ ശക്തിയില് വിശ്വസിക്കാൻ മാർപാപ്പ ലോകത്തോട് ആഹ്വാനം ചെയ്തു. "യുദ്ധം സൃഷ്ടിക്കുന്ന മുറിവുകളുണക്കാൻ ദൈവകാരുണ്യത്തിനു മാത്രമേ സാധിക്കൂ. സമാധാനത്തിനായി ദാഹിക്കുന്ന ലോകമെമ്പാടുമുള്ള ജനങ്ങള് ഈ പ്രാർഥനയില് പങ്കുചേരണം" - പാപ്പ അഭ്യർഥിച്ചു.
ഏപ്രില് 11 ശനിയാഴ്ച വൈകുന്നേരം വത്തിക്കാനില് നടക്കുന്ന ഈ ശുശ്രൂഷയില് വിവിധ രാജ്യങ്ങളില് നിന്നുള്ള പ്രതിനിധികളും സഭാനേതാക്കളും പങ്കെടുക്കും.