ജീവിതത്തിലെ പരാജയങ്ങളല്ല പലപ്പോഴും ഞങ്ങളെ ഞെരുക്കുന്നത്. പരാജയത്തിനുള്ള കാരണങ്ങള്‍ കണ്ടെത്താനും അവയെ തിരുത്തി മുന്നേറാനുമുള്ള അവസരങ്ങളെ വിനിയോഗിക്കാതെ ഒരിക്കല്‍ പരാജയപ്പെടുത്തിയ പരിശ്രമങ്ങളില്‍ തന്നെ വീണ്ടും ആശ്രയിക്കുകയും. ഒരിക്കല്‍ ചെയ്തതു തന്നെ വീണ്ടും ആവർത്തിച്ചു ചെയ്തു കൊണ്ട് മുന്നോട്ടു പോവുകയും ചെയ്യുമ്പോഴാണ് വിജയം ഞങ്ങള്‍ക്ക് അപ്രാപ്യമായി തീരുന്നതും. വിജയിക്കാനുള്ള സാധ്യതകളെ അംഗീകരിക്കുന്ന ഒരു മനസ്സ് ഞങ്ങള്‍ക്ക് കൈമോശം വരുന്നതും.
ഈശോയേ... അവിടുത്തെ മുൻപില്‍ ഇതാ ഞങ്ങളെത്തന്നെ എളിമപ്പെടുത്തുന്നു. ഞങ്ങളുടെ പരാജയങ്ങളില്‍ നിന്നും. ഇരുളു നിറഞ്ഞ കാഴ്ച്ചപ്പാടുകളില്‍ നിന്നും വീണ്ടെടുപ്പു നല്‍കണമേ. ശരിയായ മാർഗ്ഗനിർദേശങ്ങളിലൂടെയും. അനുയോജ്യമായ വിശ്വാസബോധ്യങ്ങളിലൂടെയും ഞങ്ങള്‍ക്കനുഗ്രഹമരുളുകയും. ഉചിതമായ ലക്ഷ്യത്തിലെത്തിച്ചേരുവോളം ഞങ്ങളെ നയിച്ചരുളുകയും ചെയ്യണമേ... നിത്യസഹായ മാതാവേ... ഞങ്ങള്‍ക്കു വേണ്ടി എപ്പോഴും ഞങ്ങളുടെ മരണസമയത്തും ദൈവത്തോടപേക്ഷിക്കണമേ... ആമേൻ