കരുണാ സമ്പന്നനായ ഞങ്ങളുടെ സ്വർഗ്ഗീയ പിതാവേ... "ആകാശവും ഭൂമിയും കടന്നുപോകും; എന്നാല് എന്റെ വചനങ്ങള് കടന്നുപോവുകയില്ല" എന്ന് അരുളിച്ചെയ്ത ജീവനുള്ള ദൈവമേ, ഈ പകല് മുഴുവൻ അവിടുന്ന് ഞങ്ങള്ക്ക് നല്കിയ എല്ലാ നന്മകള്ക്കും കാവലിനും ഞങ്ങള് നന്ദി പറയുന്നു.
സൂര്യൻ അസ്തമിക്കുകയും ഇരുള് പരക്കുകയും ചെയ്യുന്ന ഈ സന്ധ്യാസമയത്ത്, ലോകത്തിലെ സകലതും മാറിപ്പോകുന്നവയും താല്ക്കാലികവുമാണെന്ന് ഞങ്ങള് തിരിച്ചറിയുന്നു.
കർത്താവേ, ഞങ്ങളുടെ ജീവിതത്തിലെ പ്രതിസന്ധികളിലും തകർച്ചകളിലും മാഞ്ഞുപോകാത്ത അങ്ങയുടെ തിരുവചനത്തില് മാത്രം ആശ്രയിക്കാൻ ഞങ്ങളെ പഠിപ്പിക്കണമേ. മാറിക്കൊണ്ടിരിക്കുന്ന ഈ ലോകത്തില് മാറാത്ത അങ്ങയുടെ വാഗ്ദാനങ്ങള് ഞങ്ങള്ക്ക് കോട്ടയും അഭയവുമായിരിക്കട്ടെ. അങ്ങയുടെ വചനത്തിന്റെ വെളിച്ചം ഞങ്ങളുടെ ഹൃദയങ്ങളിലും ഈ ഭവനത്തിലും നിറയ്ക്കണമേ.
കർത്താവേ, ഞങ്ങളുടെ ജീവിതത്തിലെ പ്രതിസന്ധികളിലും തകർച്ചകളിലും മാഞ്ഞുപോകാത്ത അങ്ങയുടെ തിരുവചനത്തില് മാത്രം ആശ്രയിക്കാൻ ഞങ്ങളെ പഠിപ്പിക്കണമേ. മാറിക്കൊണ്ടിരിക്കുന്ന ഈ ലോകത്തില് മാറാത്ത അങ്ങയുടെ വാഗ്ദാനങ്ങള് ഞങ്ങള്ക്ക് കോട്ടയും അഭയവുമായിരിക്കട്ടെ. അങ്ങയുടെ വചനത്തിന്റെ വെളിച്ചം ഞങ്ങളുടെ ഹൃദയങ്ങളിലും ഈ ഭവനത്തിലും നിറയ്ക്കണമേ.
ഈ രാത്രിയില് ഞങ്ങളുടെ മേലും ഞങ്ങളുടെ കുടുംബാംഗങ്ങളുടെ മേലും അങ്ങയുടെ സംരക്ഷണം ഉണ്ടായിരിക്കട്ടെ. എല്ലാ തിന്മകളില് നിന്നും ഭയങ്ങളില് നിന്നും ഞങ്ങളെ കാത്തുപാലിക്കണമേ. അങ്ങയുടെ അനശ്വരമായ വചനത്തില് വിശ്വസിച്ച്, സമാധാനത്തോടെ ഉറങ്ങാൻ ഞങ്ങളെ അനുഗ്രഹിക്കണമേ... ആമേൻ