ബഹ്റൈൻ രാജ്യത്തെ ലക്ഷ്യമിട്ട് ഇറാൻ നടത്തിയ ഭീകര ഡ്രോണ്-മിസൈല് ആക്രമണങ്ങളെ യുണൈറ്റഡ് അറബ് എമിറേറ്റ്സ് (UAE) കടുത്ത ഭാഷയില് അപലപിച്ചു.
ഈ ഭീകരാക്രമണങ്ങള് ബഹ്റൈന്റെ പരമാധികാരത്തിന്മേലുള്ള നഗ്നമായ ലംഘനവും, അന്താരാഷ്ട്ര നിയമങ്ങളുടെ ലംഘനവുമാണെന്ന് യു.എ.ഇ വിദേശകാര്യ മന്ത്രാലയം (MoFA) പ്രസ്താവനയില് വ്യക്തമാക്കി. കൂടാതെ, ഇത് ബഹ്റൈന്റെ സുരക്ഷയ്ക്കും സ്ഥിരതയ്ക്കും മാത്രമല്ല, രാജ്യത്തെ നിർണായകമായ അടിസ്ഥാന സൗകര്യങ്ങളുടെയും സിവിലിയൻ കേന്ദ്രങ്ങളുടെയും സുരക്ഷിതത്വത്തിന് വലിയൊരു ഭീഷണിയാണെന്നും മന്ത്രാലയം ചൂണ്ടിക്കാട്ടി.
ബഹ്റൈൻ രാജ്യത്തോടുള്ള യു.എ.ഇയുടെ പൂർണ്ണമായ ഐക്യദാർഢ്യം മന്ത്രാലയം പ്രഖ്യാപിച്ചു. അതോടൊപ്പം, ബഹ്റൈന്റെ സുരക്ഷയും സ്ഥിരതയും കാത്തുസൂക്ഷിക്കുന്നതിനായി രാജ്യം സ്വീകരിക്കുന്ന എല്ലാ നടപടികള്ക്കും യു.എ.ഇ പൂർണ്ണ പിന്തുണയും അറിയിച്ചു.