അടുത്ത ആഴ്ചയിലെ എപ്പിസോഡുകളില്‍ അദ്ദേഹത്തിന് പകരം സംവിധായകനും അവതാരകനുമായ രോഹിത് ഷെട്ടി ഷോ നയിക്കും. ഞായറാഴ്ച സംപ്രേഷണം ചെയ്ത എപ്പിസോഡില്‍ സല്‍മാൻ ഖാൻ തന്നെയാണ് മത്സരാർഥികളെ ഈ വിവരം നേരിട്ട് അറിയിച്ചത്.

മറ്റ് ഔദ്യോഗിക സിനിമ തിരക്കുകള്‍ ഉള്ളതിനാലാണ് സല്‍മാൻ ഖാൻ വരാനിരിക്കുന്ന എപ്പിസോഡുകളില്‍നിന്ന് താല്‍ക്കാലികമായി മാറിനില്‍ക്കുന്നത്. അടുത്ത ആഴ്ച താൻ ഉണ്ടാകില്ലെന്നും പ്രശസ്ത സംവിധായകനും ‘ഖത്രോം കേ ഖിലാഡി’യുടെ മുൻ അവതാരകനുമായ രോഹിത് ഷെട്ടി ആഴ്ചയിലെ എപ്പിസോഡുകള്‍ കൈകാര്യം ചെയ്യുമെന്നും അദ്ദേഹം ഹൗസ്‌മേറ്റ്‌സിനോട് വ്യക്തമാക്കി.

അതേസമയം, നടൻ ടൈഗർ ഷ്‌റോഫിന് നേരെ മുംബൈയില്‍ വെച്ചുണ്ടായ വെടിവെപ്പിന്റെ പശ്ചാത്തലത്തില്‍ സല്‍മാൻ ഖാന്റെ മുംബൈയിലെ വസതിക്ക് മുന്നിലും സുരക്ഷ ശക്തമാക്കിയിട്ടുണ്ട്. ലോറൻസ് ബിഷ്‌ണോയി ഗാംഗുമായി ബന്ധമുള്ളവർ ഈ ആക്രമണത്തിന്റെ ഉത്തരവാദിത്തം ഏറ്റെടുക്കുകയും സല്‍മാൻ ഖാനുമായി സഹകരിക്കുന്നവർക്കെതിരെ സമൂഹമാധ്യമങ്ങളിലൂടെ ഭീഷണി മുഴക്കുകയും ചെയ്തതിനെ തുടർന്നാണ് ഈ നടപടി.