കൊച്ചി: എട്ടു വര്ഷങ്ങള്ക്കു ശേഷം സ്വന്തം കൈകള്കൊണ്ട് കേക്ക് മുറിച്ച് ജന്മദിനം ആഘോഷിച്ചതിന്റെ സന്തോഷത്തിലാണ് തമിഴ്നാട് സേലം സ്വദേശി ഗോകുലപ്രിയന്.
വൈദ്യുതി ലൈനില്നിന്ന് ഷോക്കേറ്റ് ഇരു കൈകളും നഷ്ടപ്പെട്ട ഗോകുലപ്രിയന് കൈ മാറ്റിവയ്ക്കല് ശസ്ത്രക്രിയയ്ക്ക് ശേഷമുള്ള ആദ്യ ജന്മദിനമാണ് കൊച്ചി അമൃത ആശുപത്രിയില് ആഘോഷിച്ചത്. ശസ്ത്രക്രിയക്ക് നേതൃത്വം നല്കിയ ഡോക്ടര്ക്കും സംഘത്തിനും സ്വന്തം കൈകളാല് കേക്ക് മുറിച്ചു നല്കി, തനിക്ക് പുതുജീവനേകിയവര്ക്ക് അദ്ദേഹം നന്ദി അറിയിച്ചു. 2018ലാണ് ഹൈടെന്ഷന് വൈദ്യുത ലൈനില്നിന്ന് ഷോക്കേറ്റ് ഇരുകൈകളും നഷ്ടമായത്. വര്ഷങ്ങളോളം കൃത്രിമ കൈകളോടെയായിരുന്നു ജീവിച്ചത്. എന്നാല് അമൃത ആശുപത്രിയില് നടത്തിയ കൈമാറ്റ ശസ്ത്രക്രിയയും തുടര്ന്ന് മാസങ്ങളായുള്ള കഠിനമായ പുനരധിവാസ ചികിത്സയും ജീവിതം മാറ്റിമറിച്ചു. 2025 ഒക്ടോബര് 22നാണ് അമൃത ആശുപത്രിയിലെ ഹെഡ് ആന്ഡ് നെക്ക്, പ്ലാസ്റ്റിക് ആന്ഡ് ക്രാനിയോഫേഷ്യല് സര്ജറി വിഭാഗം മേധാവി ഡോ. സുബ്രഹ്മണ്യ അയ്യരുടെയും സംഘത്തിന്റെയും നേതൃത്വത്തില്…