പ്രിയദർശനി ബസുകളില്‍ സ്ത്രീകള്‍ തള്ളിക്കയറുന്നതിനെയും പൊതുജനങ്ങളുടെ പെരുമാറ്റരീതികളെയും വിമർശിച്ചുകൊണ്ടുള്ള മന്ത്രിയുടെ പ്രസംഗമാണ് വിവാദങ്ങള്‍ക്ക് വഴിവച്ചിരിക്കുന്നത്. യാത്രാനിരക്ക് കുറഞ്ഞതോ സൗജന്യമുള്ളതോ ആയ ബസുകളില്‍ ആളുകള്‍ തള്ളിക്കയറാൻ ശ്രമിക്കുമ്പോള്‍ തന്നെ, സ്വന്തം മക്കളെ പഠിപ്പിക്കാൻ സ്വകാര്യ സ്കൂളുകളെയും, സൗജന്യ ചികിത്സ ലഭ്യമായ സർക്കാർ ആശുപത്രികള്‍ ഒഴിവാക്കി പണം നല്‍കേണ്ട സ്വകാര്യ ആശുപത്രികളെയുമാണ് ആളുകള്‍ ആശ്രയിക്കുന്നത്. പൊതുജനങ്ങളുടെ ഈ വൈരുധ്യം നിറഞ്ഞ പെരുമാറ്റരീതി തന്നെ അത്ഭുതപ്പെടുത്തുന്നുവെന്നായിരുന്നു മന്ത്രിയുടെ പരാമർശം. കേരളത്തിലെ ജനങ്ങളുടെ പെരുമാറ്റം തന്നെ അതിശയിപ്പിക്കുന്നുവെന്ന് പൊതുവേദിയില്‍ സംസാരിക്കവേ അദ്ദേഹം പറഞ്ഞു.മന്ത്രിയുടെ പരാമർശങ്ങള്‍ക്കെതിരെ വിവിധ കോണുകളില്‍ നിന്നായി ഇതിനകം പ്രതിഷേധങ്ങള്‍ ഉയരുന്നുണ്ട്.