ആരാധകർ മത്സരത്തിന്റെ തുടക്കം മുതലേ ഉറ്റുനോക്കിയത് ബുംറ - വൈഭവ് താരപ്പോര് തന്നെയായിരുന്നു. ഒട്ടും വീര്യം കുറയാതെ തന്നെ ബുംറയുടെ ആദ്യ പന്ത് സിക്സർ പറത്തി കൗമാര താരം പോരിന് തുടക്കമിട്ടു. അവിടെ നിന്ന് 14 പന്തില്‍ നിന്ന് താരം സ്വന്തമാക്കിയത് 39 റണ്‍സായിരുന്നു. അങ്ങനെ വെറും 2.4 ഓവറില്‍ ആർആർ 50 റണ്‍സും തികച്ചു. മത്സരശേഷം ആ 15-കാരനെ അഭിനന്ദിച്ചുകൊണ്ട് മുംബൈ നായകൻ ഹർദിക് പാണ്ഡ്യ രംഗത്തെത്തിയിരുന്നു.

'മത്സരത്തിന് മുമ്പുള്ള തയ്യാറെടുപ്പില്‍ ഞങ്ങള്‍ വൈഭാവിനെ കുറിച്ച്‌ വളരെയധികം ചർച്ച ചെയ്തിരുന്നു, അവന്റെ ബാറ്റിംഗ് രീതിയും, ധൈര്യവും, ഷോട്ടുകളും എല്ലാം വേറെ അതിശയിപ്പിക്കുന്നതാണ്', മത്സരശേഷം എംഐ നായകൻ ഹർദിക് പാണ്ഡ്യ പറഞ്ഞു. വൈഭാവിനെ അഭിനന്ദിക്കുന്നതിനൊപ്പം അവൻ നല്ലൊരു ഭാവിയും ഹർദിക് ആശംസിച്ചു. മത്സരശേഷം വൈഭാവിനെ തോളില്‍ തട്ടി അഭിനന്ദിക്കുന്ന പാണ്ഡ്യയുടെ ചിത്രങ്ങളും ആരാധകർ ഏറ്റെടുത്തിരുന്നു. കൗമാര താരത്തിന് കൈകൊടുത്തുകൊണ്ട് സംസാരിക്കുന്നതും തോളില്‍ തട്ടി പ്രശംസിക്കുന്നതുമാണ് ചിത്രത്തിലുള്ളത്.

ബും!! മുംബൈ ബൗളർമാരെ പഞ്ഞിക്കിട്ട ആർആർ ബാറ്റിംഗ് കൂട്ടുകെട്ട്

മഴമൂലം വെട്ടിച്ചുരുക്കിയ മത്സരത്തെ യശസ്വി ജയ്‌സ്വാളും വൈഭവ് സൂര്യവംശിയും ചേർന്ന് വെടിക്കെട്ട് പ്രകടനമാക്കി മാറ്റി. 27 റണ്‍സിന്റെ ജയമായിരുന്നു രാജസത്താണ് മുംബൈക്കെതിരെ സ്വന്തമാക്കിയത്. ഓപ്പണർമായ യശസ്വി ജയ്‌സ്വാള്‍, വൈഭവ് സൂര്യവംശി എന്നിവരുടെ പ്രകടനം തന്നെയാണ് ആർആറിന്റെ ജയത്തില്‍ നിർണായകമായതും. ജയ്‌സ്വാള്‍ 4 സിക്സറുകളും 10 ബൗണ്ടറികളും അടക്കം 32 പന്തില്‍ 77 റണ്‍സും വൈഭവ് 5 സിക്സറുകളും ഒരു ബൗണ്ടറിയുമടക്കം 14 പന്തില്‍ 39 റണ്‍സുമാണ് അടിച്ചെടുത്തത്.