പൊതു ഉപയോഗവും പരിസ്ഥിതി കാര്യങ്ങളും സംബന്ധിച്ച സമിതി അധ്യക്ഷൻ മുഹമ്മദ് മൂസയുടെ നേതൃത്വത്തില്‍ നടന്ന ചർച്ചകളില്‍ ബില്ലിലെ 10 വകുപ്പുകളില്‍ സർക്കാരും സമിതിയും ധാരണയിലെത്തിയതായി അറിയിച്ചു. ഇവയെല്ലാം പൗരന്മാരുടെ താല്‍പര്യങ്ങള്‍ സംരക്ഷിക്കുന്നതാണെന്നും അദ്ദേഹം പറഞ്ഞു. എന്നാല്‍ വൈദ്യുതി-ജല നിരക്കുകള്‍ സംബന്ധിച്ച നിയന്ത്രണവും ഒന്നിലധികം കുടുംബങ്ങള്‍ താമസിക്കുന്ന വീടുകളുടെ പരിഗണനയുമാണ് ഇപ്പോഴും തർക്കവിഷയങ്ങളായി തുടരുന്നത്.

നിരക്കുകള്‍ നിയമത്തില്‍ തന്നെ ഉള്‍പ്പെടുത്തണമെന്നാണ് സമിതിയുടെ നിലപാട്. ഭാവിയില്‍ നിരക്ക് വർധിപ്പിക്കാനോ കുറയ്ക്കാനോ സർക്കാർ തീരുമാനിച്ചാല്‍ അത് പാർലമെന്റിന്റെ അംഗീകാരത്തോടെയായിരിക്കണമെന്നും മുഹമ്മദ് മൂസ ആവശ്യപ്പെട്ടു. അതേസമയം, ഒന്നിലധികം കുടുംബങ്ങള്‍ താമസിക്കുന്ന വീടുകളെ സംബന്ധിച്ച്‌ സർക്കാർ ഇതുവരെ വ്യക്തമായ പഠന റിപ്പോർട്ട് സമർപ്പിച്ചിട്ടില്ലെന്നും അദ്ദേഹം പറഞ്ഞു. വിഷയം സാമൂഹിക വികസന മന്ത്രാലയത്തിന് കൈമാറിയിട്ടുണ്ടെങ്കിലും അന്തിമ മറുപടി ലഭിച്ചിട്ടില്ല. ഇതിനാല്‍ വൈദ്യുതി-ജല നിയമഭേദഗതി ബില്ലിനെക്കുറിച്ചുള്ള കൂടുതല്‍ ചർച്ചകള്‍ അടുത്ത സമ്മേളനത്തിലേക്ക് മാറ്റാൻ സമിതി തീരുമാനിച്ചതായി മുഹമ്മദ് മൂസ അറിയിച്ചു.

Content Highlights: The proposed privatisation bill for Bahrain's Electricity and Water Authority has been deferred to the next parliamentary session. The decision comes amid ongoing discussions on its economic and public impact.