മലയാളികളുടെ പ്രിയപ്പെട്ട കോംബോ ആണ് ജയറാമും ഉർവശിയും. നിരവധി ചിത്രങ്ങളില് ഇവർ ഒരുമിച്ച് സ്ക്രീനിലെത്തി ഞെട്ടിച്ചിട്ടുണ്ട്.
ഇപ്പോഴിതാ ഒരു ഇടവേളയ്ക്ക് ശേഷം ഇവർ ഒരു സിനിമയ്ക്കായി ഒന്നിക്കുകയാണ്. പാണ്ടിരാജ് ഒരുക്കുന്ന തമിഴ് സിനിമയ്ക്കായി ആണ് ജയറാം-ഉർവശി കോംബോ ഒന്നിക്കുന്നത്.
പരിമള ആൻഡ് കോ എന്നാണ് സിനിമയുടെ പേര്. ഒരു ക്രൈം കോമഡി ഴോണറില് ആണ് സിനിമ ഒരുങ്ങുന്നത്. സിനിമയുടെ ടൈറ്റില് ടീസർ പുറത്തുവന്നു. ഫണ് എന്റർടൈനർ ആയിട്ടാണ് പ്രൊമോ ഒരുക്കിയിരിക്കുന്നത്. മിഷ്കിൻ, യോഗി ബാബു, സാൻഡി, സഞ്ജന കൃഷ്ണമൂർത്തി, അനന്തിക സനില്കുമാർ, സന്തോഷ് ശോഭൻ എന്നിവരാണ് സിനിമയിലെ മറ്റു അഭിനേതാക്കള്. ലൈക്ക പ്രൊഡക്ഷൻസിന്റെ ബാനറില് സുബാസ്കരൻ, പസംഗ ഫിലിംസിന്റെ ബാനറില് പാണ്ഡിരാജ് എന്നിവർ ഈ സിനിമ നിർമിക്കുന്നത്. ഫോട്ടോഗ്രാഫി ഡയറക്ടർ : ജോർജ്ജ് സി വില്യംസ് ഐഎസ്സി, സംഗീതം : ഫോക്സ്ൻ, എഡിറ്റർ : പ്രദീപ് ഇ രാഗവ്, കലാസംവിധാനം : ടി രാമലിംഗം, സ്റ്റണ്ട് മാസ്റ്റർ : കലൈ കിംഗ്സണ് എന്നിവരാണ് സിനിമയിലെ മറ്റു അണിയറപ്രവർത്തകർ.