ഹൃദ്രോഗ സാധ്യത കുറയ്ക്കുന്നു

പതിവായി നടക്കുന്നത് രക്തസമ്മര്‍ദ്ദം നിയന്ത്രിക്കുകയും കൊളസ്‌ട്രോള്‍ കുറയ്ക്കുകയും ഹൃദയാരോഗ്യം മെച്ചപ്പെടുത്തുകയും ഹൃദയാഘാതം, പക്ഷാഘാത സാധ്യത എന്നിവ കുറയ്ക്കുകയും ചെയ്യുന്നു. മാത്രമല്ല ഇത് മൊത്തത്തിലുള്ള ആരോഗ്യവും ഊര്‍ജ്ജവും വര്‍ദ്ധിപ്പിക്കുകയും മാനസികാരോഗ്യം വര്‍ദ്ധിപ്പിക്കുകയും ചെയ്യുന്നു.

ശ്രദ്ധിക്കുക; കൊളസ്‌ട്രോളിന്റെയും രക്തസമ്മര്‍ദ്ദത്തിന്റെയും ലക്ഷണങ്ങള്‍ എങ്ങനെ തിരിച്ചറിയാം

ആരോഗ്യകരമായ ഭാരം നിലനിര്‍ത്താന്‍
സഹായിക്കുന്നു

ശരീരഭാരം കൂടുന്നതും പൊണ്ണത്തടിയും ഇക്കാലത്ത് ആളുകളെ വളരെയധികം അലട്ടുന്ന ഒരു പ്രശ്‌നമാണ്. നടത്തം കലോറി കത്തിച്ചുകളയുകയും മെറ്റബോളിസം വര്‍ദ്ധിപ്പിക്കുകയും ചെയ്യുന്നു. അതുകൊണ്ടുതന്നെ ഇത് ശരീരഭാരം കുറയ്ക്കാന്‍ വേഗത്തില്‍ സഹായിക്കും. ദഹനത്തെ സഹായിക്കുന്നതിലൂടെ ഭാരം നിലനിര്‍ത്താനുള്ള എളുപ്പവും സുസ്ഥിരവുമായ മാര്‍ഗമാവുകയും ചെയ്യുന്നു.

സമ്മര്‍ദ്ദ നില കുറയ്ക്കുന്നു

ദിവസേനയുള്ള നടത്തം മനസ്സിന് വിശ്രമം നല്‍കുന്നു. കോര്‍ട്ടിസോളിനെ (സ്‌ട്രെസ് ഹോര്‍മോണായ) നിയന്ത്രിക്കാന്‍ സഹായിക്കുന്നു. കൂടാതെ ശരീരത്തിന്റെ സ്വാഭാവിക മാനസികാവസ്ഥ ഉയര്‍ത്തുന്ന എന്‍ഡോര്‍ഫിനുകളുടെ ഉത്പാദനത്തിന് പോലും കാരണമാകും.

ഊര്‍ജ്ജനില വര്‍ദ്ധിപ്പിക്കുന്നു

ഇടയ്ക്കിടെ ക്ഷീണം തോന്നാറുണ്ടോ? 30 മിനിറ്റ് നടക്കാന്‍ ശ്രമിക്കുക. ക്ഷീണിതനാണെങ്കില്‍ പോലും നടത്തം രക്തചംക്രമണം മെച്ചപ്പെടുത്തുകയും പേശികളെ ചലിപ്പിക്കുകയും ചെയ്യുന്നു. ഇത് ആളുകളെ കൂടുതല്‍ ഊര്‍ജ്ജസ്വലതയും ഉണര്‍വും ഉള്ളവരാക്കി മാറ്റുന്നു.

മനസ്സിനെ ഉത്തേജിപ്പിക്കാന്‍ സഹായിക്കുന്നു

നടത്തം തലച്ചോറിലേക്കുള്ള ഓക്‌സിജന്‍ ഒഴുക്ക് വര്‍ദ്ധിപ്പിക്കുകയും ഓര്‍മ്മശക്തി വര്‍ദ്ധിപ്പിക്കുകയും ശ്രദ്ധ കേന്ദ്രീകരിക്കാന്‍ സഹായിക്കുകയും ചെയ്യുന്നു. ഇത് മാനസിക വ്യക്തത ഉണ്ടാകാനും ഓര്‍മ്മ നിലനിര്‍ത്താനും സഹായിക്കുന്നു. ഇത് തലച്ചോറിന് സ്വാഭാവികമായി ഉത്തേജനം നല്‍കുന്ന ഒന്നാണ്.

രക്തചംക്രമണം മെച്ചപ്പെടുത്തുന്നു

ശരീരത്തിന് നാഡികളിലൂടെയും കോശങ്ങളിലൂടെയും പതിവായി രക്തയോട്ടം ആവശ്യമാണ്. നടത്തം രക്തചംക്രമണത്തെ ഉത്തേജിപ്പിക്കുന്നു. ഇത് അവയവങ്ങളെയും പേശികളെയും ഓക്‌സിജനും പോഷകങ്ങളും കൊണ്ട് പോഷിപ്പിക്കുന്നു, ഇത് ശരീരത്തെ മുഴുവന്‍ ആരോഗ്യകരമായി നിലനിര്‍ത്താന്‍ സഹായിക്കുന്നു.

പ്രമേഹരോഗികള്‍ക്ക് ഏതൊക്കെ പഴങ്ങള്‍ കഴിക്കാം; ഒഴിവാക്കേണ്ടവ ഏതൊക്കെ

പൊണ്ണത്തടി തടയുന്നു

അമിത കൊഴുപ്പ് പല രോഗങ്ങള്‍ക്കും കാരണമാകാറുണ്ട്. നടത്തം ജീവിതശൈലിയെ മെച്ചപ്പെടുത്തുന്നു. വിശപ്പ് നിയന്ത്രിക്കാന്‍ സഹായിക്കുന്നു. ഇവയെല്ലാം പൊണ്ണത്തടി തടയുന്നതില്‍ പ്രധാനമാണ്.

ഉത്കണ്ഠ കുറയ്ക്കാന്‍ സഹായിക്കും

അടുത്തിടെയായി ഉത്കണ്ഠ തോന്നുന്നുണ്ടോ? നടക്കാന്‍ പോകൂ. നടത്തം പോലുള്ള ശാരീരിക ചലനങ്ങള്‍ നാഡീവ്യവസ്ഥയെ ശാന്തമാക്കുന്നു. മാത്രമല്ല ഉത്കണ്ഠാകുലമായ ചിന്തകള്‍ ലഘൂകരിക്കാനും മാനസിക സന്തുലിതാവസ്ഥ പ്രോത്സാഹിപ്പിക്കാനും സഹായിക്കുന്നു.

ശ്വാസകോശത്തിന്റെ പ്രവര്‍ത്തനം വര്‍ദ്ധിപ്പിക്കുന്നു

ഓരോ ചുവടും ശ്വാസവും എടുക്കുമ്പോള്‍ നടത്തം ശ്വാസകോശ ശേഷിയെ ശക്തിപ്പെടുത്തുന്നു. ഇത് ശ്വാസകോശത്തെ പുതിയ ഓക്‌സിജന്‍ കൊണ്ട് നിറയ്ക്കുന്നു. ഓക്‌സിജന്‍ കൈമാറ്റം മെച്ചപ്പെടുത്താന്‍ സഹായിക്കുന്നു. മാത്രമല്ല ശ്വസനവ്യവസ്ഥയെ കൂടുതല്‍ കാര്യക്ഷമമാക്കുകയും ചെയ്യുന്നു.

ശരീരത്തിന് വിറ്റാമിന്‍ ഡി ലഭിക്കാനുള്ള സാധ്യത മെച്ചപ്പെടുത്തുന്നു

നടക്കാന്‍ തുടങ്ങുന്നത് സ്വാഭാവികമായും ശരീരത്തിന് ആവശ്യമായ വിറ്റാമിന്‍ ഡി നല്‍കുന്നു. പുറത്ത് നടക്കുന്നത് ചര്‍മ്മത്തില്‍ സൂര്യപ്രകാശമേല്‍ക്കാന്‍ അനുവദിക്കുന്നു. ഇത് വിറ്റാമിന്‍ ഡി ലഭിക്കാന്‍ അത്യാവശ്യമാണ്. അസ്ഥികളുടെ ആരോഗ്യത്തിനും മാനസികാരോഗ്യത്തിനും, പ്രതിരോധശേഷിക്കും വിറ്റാമിന്‍ ഡി അത്യാവശ്യമാണ്.

കാന്‍സര്‍ സാധ്യത കുറയ്ക്കുന്നു

നടത്തം ക്യാന്‍സറിന് കാരണമായേക്കാവുന്ന അപകട ഘടകങ്ങളെ കുറയ്ക്കുന്നു. പതിവ് നടത്തം പ്രതിരോധശേഷിയും ഉപാപചയ ആരോഗ്യവും മെച്ചപ്പെടുത്തുന്നതിലൂടെ നിരവധി അര്‍ബുദങ്ങള്‍, പ്രത്യേകിച്ച്‌ സ്തന, വന്‍കുടല്‍ കാന്‍സറുകളുടെ സാധ്യത കുറയ്ക്കാന്‍ സഹായിച്ചേക്കാം.

ഉറക്കത്തിന്റെ ഗുണനിലവാരം മെച്ചപ്പെടുത്തുന്നു

മോശം ഉറക്കമാണ് പല ആരോഗ്യപ്രശ്‌നങ്ങളുടെയും മൂലകാരണം. സ്ഥിരമായ നടത്തം നിങ്ങളുടെ ഉറക്ക-ഉണര്‍വ് ചക്രത്തെ നിയന്ത്രിക്കാനും ഉറക്കമില്ലായ്മ കുറയ്ക്കാനും സഹായിക്കുന്നു. പ്രത്യേകിച്ചും പകല്‍ സമയത്തുള്ള നടത്തം കൂടുതല്‍ ഗുണപ്രദമാണ്.

സ്വയം പരിചരണത്തിനായി സമയം നല്‍കുന്നു

സ്വയം സമയം കണ്ടെത്താന്‍ ബുദ്ധിമുട്ട് തോന്നുന്നുണ്ടോ?. എങ്കില്‍ 30 മിനിറ്റ് നടന്ന് തുടങ്ങിക്കോളൂ. സംഗീതവും പോഡ്കാസ്റ്റുകളും ആസ്വദിച്ചുകൊണ്ട് സ്വന്തം ചിന്തകള്‍ ആസ്വദിക്കാനോ ഉള്ള ഏറ്റവും അനുയോജ്യമായ സമയമാണിത്.

ഏകോപനവും സന്തുലിതാവസ്ഥയും മെച്ചപ്പെടുത്തുന്നു

പ്രായമാകുന്തോറും ബാലന്‍സ് നഷ്ടപ്പെടുന്നത് ഒരു സാധാരണ കാര്യമാണ്. പതിവായി നടക്കുന്നത് അരയ്ക്ക് താഴേക്കുള്ള ശരീര പേശികളെയും സന്ധികളെയും ശക്തിപ്പെടുത്തുന്നു. ഇത് ബാലന്‍സ് മെച്ചപ്പെടുത്തുകയും വീഴാനുള്ള സാധ്യത കുറയ്ക്കുകയും ചെയ്യുന്നു. പ്രത്യേകിച്ച്‌ പ്രായമാകുമ്പോള്‍.

ജീവിത നിലവാരം മെച്ചപ്പെടുത്തുന്നു

ജീവിത നിലവാരം മെച്ചപ്പെടുത്താന്‍ ആഗ്രഹിക്കുന്നുണ്ടോ?. നടത്തം ആരംഭിക്കൂ. മാനസിക വ്യക്തത മുതല്‍ മികച്ച ഫിറ്റ്‌നസ്, രോഗസാധ്യത കുറയ്ക്കല്‍ എന്നിവയ്‌ക്കെല്ലാം സഹായിക്കുകയും കൂടുതല്‍ സജീവവും ആത്മവിശ്വാസവും സംതൃപ്തവുമായ ജീവിതശൈലിയിലേക്ക് നയിക്കുകയും ചെയ്യുന്നു.

പ്രമേഹ സാധ്യത കുറയ്ക്കുന്നു

രക്തത്തിലെ പഞ്ചസാരയുടെ അളവ് നിയന്ത്രിക്കാനും ഇന്‍സുലിന്‍ സംവേദനക്ഷമത മെച്ചപ്പെടുത്താനും നടത്തം സഹായിക്കുന്നു. ഇത് രക്തത്തിലെ പഞ്ചസാരയെ സന്തുലിതമാക്കുന്നതിനും ടൈപ്പ് 2 പ്രമേഹത്തെ തടയുന്നതിനോ നിയന്ത്രിക്കുന്നതിനോ സഹായിക്കുന്ന ശക്തമായ ഒരു ശീലമാണ്.

നടത്തം സര്‍ഗ്ഗാത്മകതയെ ഉണര്‍ത്തും

നിഷ്‌ക്രീയരായിരിക്കുന്നവര്‍ക്ക് ചിന്തകള്‍ വളരെ അപൂര്‍വമായി മാത്രമേ വരൂ. പ്രത്യേകിച്ച്‌ പുറത്തെ കാഴ്ചകളൊക്കെ കണ്ടുകൊണ്ടുള്ള നടത്തം സൃഷ്ടിപരമായ ചിന്തയെയും പ്രശ്‌നപരിഹാരത്തെയും വര്‍ദ്ധിപ്പിക്കുമെന്ന് പഠനങ്ങള്‍ തെളിയിച്ചിട്ടുണ്ട്.

എല്ലുകളും പേശികളും ശക്തിപ്പെടുത്തുന്നു

ശക്തമായ അസ്ഥികള്‍ വേണോ? നടത്തം അതിന് സഹായിക്കുന്ന നല്ലൊരു വ്യായാമമാണ്. ഇത് അസ്ഥികളുടെ സാന്ദ്രതയെ സഹായിക്കുകയും കാലുകളിലും കോര്‍ ഭാഗത്തും ഉള്ള പ്രധാന പേശി ഗ്രൂപ്പുകളെ ശക്തിപ്പെടുത്തുകയും ചെയ്യുന്നു.

രക്തസമ്മര്‍ദ്ദം മെച്ചപ്പെടുത്താന്‍ കഴിയും

അമിത രക്തസമ്മര്‍ദ്ദം ഇന്ന് ചെറുപ്പക്കാരില
ടക്കം വ്യാപിച്ചുകൊണ്ടിരിക്കുന്ന രോഗമാണ്. ദിവസവും വേഗത്തിലുള്ള നടത്തം സിസ്റ്റോളിക് രക്തസമ്മര്‍ദ്ദം കുറയ്ക്കാന്‍ സഹായിക്കും. ഇത് രക്താതിമര്‍ദ്ദം നിയന്ത്രിക്കുന്നതിനോ തടയുന്നതിനോ ഉള്ള സ്വാഭാവിക മാര്‍ഗം വാഗ്ദാനം ചെയ്യുന്നു.

രോഗപ്രതിരോധ ശേഷി ശക്തിപ്പെടുത്താം

നിങ്ങളുടെ പ്രതിരോധശേഷി വര്‍ദ്ധിപ്പിക്കാനുള്ള വഴികള്‍ തേടുകയാണോ? 30 മിനിറ്റ് നടത്തം പോലുള്ള മിതമായ ദൈനംദിന വ്യായാമം, ആരോഗ്യകരമായ രക്തചംക്രമണം പ്രോത്സാഹിപ്പിക്കുന്നതിലൂടെയും വിട്ടുമാറാത്ത വീക്കം കുറയ്ക്കുന്നതിലൂടെയും രോഗപ്രതിരോധ പ്രതികരണം വര്‍ദ്ധിപ്പിക്കുന്നു.

Content Highlights :20 changes that occur in the body if you make a habit of walking for 30 minutes daily.