Dailyhunt Logo
  • Light mode
    Follow system
    Dark mode
    • Play Story
    • App Story
എറണാകുളം, ആലുവ റെയില്‍വേ സ്റ്റേഷനുകളില്‍ AC സ്ലീപ്പിങ് പോഡുകള്‍ വരുന്നു;മണിക്കൂറിന് 99രൂപ

എറണാകുളം, ആലുവ റെയില്‍വേ സ്റ്റേഷനുകളില്‍ AC സ്ലീപ്പിങ് പോഡുകള്‍ വരുന്നു;മണിക്കൂറിന് 99രൂപ

Reporter 4 days ago

നിങ്ങളുടെ ട്രെയിന്‍ വൈകിയാണ് വരുന്നതെങ്കില്‍ എന്തുചെയ്യും?. അടുത്ത ട്രെയിനിനായി മണിക്കൂറുകളോളം സ്റ്റേഷനില്‍ കാത്തിരിക്കേണ്ടിവന്നാല്‍ ഇരുന്നും നടന്നും സമയം തള്ളിനീക്കേണ്ടിവരും.

രാത്രിയിലാണ് കാത്തിരിപ്പെങ്കില്‍ ഉറങ്ങാന്‍ പോലും ബുദ്ധിമുട്ടാണ്. ഏതാനും മണിക്കൂര്‍ വിശ്രമിക്കാന്‍ ഹോട്ടല്‍ മുറിയെടുക്കുകയാണെങ്കില്‍ ചെലവും കൂടും. എന്നാല്‍ ഇത്തരം യാത്രാപ്രശ്‌നങ്ങള്‍ക്ക് പരിഹാരമാകുന്ന പുതിയൊരു സൗകര്യം ഒരുക്കുകയാണ് ദക്ഷിണ റെയില്‍വേ. മണിക്കൂറിന് 99 രൂപ മുതല്‍ ഉപയോഗിക്കാവുന്ന AC സ്ലീപ്പിങ് പോഡുകളാണ് പദ്ധതിയിലുള്ളത്. ആലുവ, എറണാകുളം ജംഗ്ഷന്‍ റെയില്‍വേ സ്റ്റേഷനുകളിലാണ് പുതിയ എസി എക്‌സിക്യൂട്ടീവ് ലോഞ്ചുകള്‍ ഒരുക്കാന്‍ പദ്ധതിയിടുന്നത്. ഇതിനായി ദക്ഷിണ റെയില്‍വേ ടെന്‍ഡര്‍ നടപടികള്‍ ആരംഭിച്ചിട്ടുണ്ട്.

ആലുവയില്‍ കെഎസ്‌ആര്‍ടിസി ബസ് സ്റ്റാന്‍ഡിന് എതിര്‍വശത്തുള്ള റെയില്‍വേയുടെ സ്ഥലത്താണ് പുതിയ സൗകര്യം ഒരുക്കാന്‍ ഉദ്ദേശിക്കുന്നത്. ഏകദേശം 10,000 ചതുരശ്ര അടി വിസ്തീര്‍ണമുള്ള രണ്ടുനില കെട്ടിടമാണ് പദ്ധതിയിലുള്ളത്. എറണാകുളം ജംഗ്ഷനില്‍ നിലവിലുള്ള എസി വെയിറ്റിങ് റൂമിന് മുകളിലായി പ്രധാന പ്ലാറ്റ്‌ഫോമിന്റെ വടക്കുഭാഗത്താണ് പുതിയ ലോഞ്ച് നിര്‍മിക്കാന്‍ ഉദ്ദേശിക്കുന്നത്.




ട്രെയിൻ യാത്രയില്‍ ഇനി രണ്ട് യാത്രക്കാർക്ക് ഒരേ ബർത്തില്‍ ഇരിക്കാൻ കഴിയില്ല. ആർഎസി നിർത്തലാക്കാൻ റെയില്‍വേ

99 രൂപ നല്‍കിയാല്‍ എന്തൊക്കെ സൗകര്യങ്ങള്‍ ലഭിക്കും?

യാത്രക്കാര്‍ക്ക് ഏതാനും മണിക്കൂര്‍ മാത്രമാണ് വിശ്രമിക്കേണ്ടതെങ്കില്‍ ഒരു ദിവസത്തെ ഹോട്ടല്‍ വാടക നല്‍കേണ്ടിവരില്ലെന്നതാണ് ഈ സംവിധാനത്തിന്റെ പ്രധാന പ്രത്യേകത. മണിക്കൂര്‍ അടിസ്ഥാനത്തിലായിരിക്കും വാടക ഈടാക്കുക. തുടക്കത്തില്‍ മണിക്കൂറിന് 99 രൂപയായിരിക്കുമെന്നാണ് റിപ്പോര്‍ട്ടുകളില്‍ പറയുന്നത്.

സൗകര്യങ്ങള്‍ ഇങ്ങനെ

  • കിടന്ന് വിശ്രമിക്കാനുള്ള ബെഡ്: യാത്രാക്ഷീണം മാറ്റാന്‍ കിടന്നുറങ്ങാനുള്ള സൗകര്യം.
  • എസി സൗകര്യം: സുഖകരമായ അന്തരീക്ഷത്തില്‍ വിശ്രമിക്കാം.
  • സ്വകാര്യത: ക്യാബിനുകളില്‍ സ്വകാര്യമായി സമയം ചെലവഴിക്കാം.
  • മൊബൈല്‍ ചാര്‍ജിങ്: ഫോണും മറ്റ് ഉപകരണങ്ങളും ചാര്‍ജ് ചെയ്യാം.
  • റീഡിങ് ലൈറ്റ്: വായിക്കാനും മറ്റ് ചെറിയ ജോലികള്‍ ചെയ്യാനും പ്രത്യേക വെളിച്ചം.
  • വൈഫൈ: ഇന്റര്‍നെറ്റ് ഉപയോഗിക്കാനുള്ള സൗകര്യം.




ട്രെയിൻ യാത്രക്കാർ ശ്രദ്ധിക്കാൻ; കണ്‍ഫേം ടിക്കറ്റുണ്ടെങ്കിലും സീറ്റ് നഷ്ടപ്പെടാൻ ചാൻസ് ഉണ്ട്; എങ്ങനെയെന്നല്ലേ?

ആര്‍ക്കൊക്കെയാണ് ഈ സൗകര്യം കൂടുതല്‍ പ്രയോജനപ്പെടുക?

ദീര്‍ഘദൂര യാത്രയ്ക്കിടെ ട്രെയിന്‍ മാറിക്കയറേണ്ടവര്‍, കണക്ഷന്‍ ട്രെയിനിനായി ഏറെ നേരം കാത്തിരിക്കേണ്ടവര്‍, ട്രെയിന്‍ വൈകുന്നതിനാല്‍ സ്റ്റേഷനില്‍ കുടുങ്ങുന്നവര്‍ തുടങ്ങിയവര്‍ക്ക് സ്ലീപ്പിങ് പോഡുകള്‍ സഹായകരമാകും. വെയിറ്റിങ് ഹാള്‍ പ്രധാനമായും ഇരുന്ന് കാത്തിരിക്കാനുള്ള ഇടമാണ്. പുതിയ സ്ലീപ്പിങ് പോഡുകളാണെങ്കില്‍ കിടന്ന് വിശ്രമിക്കാനും കൂടുതല്‍ സ്വകാര്യത ലഭിക്കാനും സഹായകരമാകും. ടെന്‍ഡര്‍ നടപടികള്‍ക്ക് ശേഷമാണ് പദ്ധതിയുടെ തുടര്‍നടപടികളും പ്രവര്‍ത്തനം ആരംഭിക്കുന്ന തീയതിയെക്കുറിച്ചും കൂടുതല്‍ വിവരങ്ങള്‍ അറിയാന്‍ കഴിയുക.

Content Highlights :Plans are underway to set up new AC executive lounges at the Aluva and Ernakulam Junction railway stations. Southern Railway has initiated the tender process for this purpose
Dailyhunt
Disclaimer: This content has not been generated, created or edited by Dailyhunt. Publisher: Reporter