ഡോക്ടര്, മരുന്ന് കഴിച്ചാല് എന്റെ കിഡ്ണി പോകുമോ?. പല പ്രമേഹരോഗികളുടെയും സംശയമാണിതെന്ന് എന്ഡോക്രൈനോളജിസ്റ്റ് ഡോ.
ജീന സൂസന് ജോര്ജ് പറയുന്നു. ഈ സംശയത്തിനുള്ള ഉത്തരം പറയുകയാണ് ഡോ. ജീന.
'മെറ്റ്ഫോര്മിനാണ് പ്രധാനമായും പ്രമേഹരോഗികള്ക്ക് നല്കുന്ന മരുന്ന്. ഈ മരുന്നാണ് ഏറ്റവും സുരക്ഷിതമായി നല്കാവുന്നതും. എങ്കിലും പ്രമേഹവും മരുന്നുകളുമായി ബന്ധപ്പെട്ടുള്ള വിവാദങ്ങള് ഇടയ്ക്കിടെ ഉണ്ടാകാറുണ്ട്. എന്നാല് പ്രധാനമായി മനസിലാക്കേണ്ട ഒരു കാര്യം, മരുന്ന് കഴിച്ചത് കൊണ്ടല്ല പലരുടെയും വൃക്ക തകരാറിലാകുന്നത് എന്നാണ്. അവരുടെ ഷുഗര് നിയന്ത്രണത്തില് അല്ലാതിരുന്നതുകൊണ്ട് നെഫ്രോപ്പതി വരികയും കിഡ്നി ഫെയിലിയറിലേക്ക് പോകുകയുമാണ് ചെയ്യുന്നത്.
ചൊറിച്ചിലും, ചര്മ്മത്തിന്റെ മടക്കുകളില് കറുപ്പും ഉണ്ടോ? കരള് അപകടത്തിലാണെന്നതിന്റെ സൂചനയാകാം
ഒരു ഉദാഹരണം പറയാം. ഒരു രോഗി വളരെ നന്നായി ഷുഗര് നിയന്ത്രണത്തില് നിര്ത്തിക്കൊണ്ടിരിക്കുന്ന ആളാണെന്ന് കരുതുക. കഴിഞ്ഞ ദിവസങ്ങളില് ഈ വ്യക്തിയുടെ കുടുംബത്തില് ചില ആഘോഷങ്ങളൊക്കെ നടക്കുന്നു,അയാള് ഡയറ്റൊന്നും നോക്കാതെ ഇഷ്ടപ്പെട്ട ഭക്ഷണങ്ങളൊക്കെ കഴിക്കുന്നു. അതുപോലെ സ്ത്രീകളുടെ കാര്യമെടുക്കുക. വീട്ടില് ആര്ക്കെങ്കിലും അസുഖമോ കുട്ടികള്ക്ക് പരീക്ഷയോ വന്നാല് ഇവരുടെ ഡയറ്റും വ്യായാമവും ഒക്കെ തെറ്റും. ഇങ്ങനെയുള്ള സാഹചര്യങ്ങള് വരുമ്പോള് ഡോക്ടര്മാര് നിസ്സഹായരാവുകയാണ്.