ഐപിഎല് 2026 സീസണില് തുടർച്ചയായ മൂന്ന് മത്സരങ്ങളിലും തോല്വി വഴങ്ങിയതോടെ ചെന്നൈ സൂപ്പർ കിങ്സ് വൻ പ്രതിസന്ധിയാണ് നേരിടുന്നത്.
ബാറ്റിങ്ങിലും ബൗളിങ്ങിലും താരങ്ങള്ക്ക് വേണ്ട പോലെ തിളങ്ങാൻ കഴിയാതെ വന്നതും പ്രധാന താരങ്ങളുടെ പരിക്കുമാണ് ടീം നേരിടുന്ന പ്രശ്നം.
ഡല്ഹി ക്യാപിറ്റല്സിനെതിരെ ഏപ്രില് 11നാണ് ഇനി ടീമിന്റെ അടുത്ത മത്സരം. ഈ മത്സത്തില് മികച്ച വിജയം നേടി ടൂർണമെന്റില് ആധിപത്യം സ്ഥാപിക്കാനാണ് സിഎസ്കെ നായകന് റുതുരാജ് ഗെയ്ക്വാഡിന്റെയും ശ്രമം.
ഓറഞ്ച് ക്യാപ്പും പർപ്പിള് ക്യാപ്പും ഇവിടെ ഭദ്രം!; പട്ടികയില് ഒന്നാമരായി രാജസ്ഥാൻ താരങ്ങള്
എന്നാല്, ചെന്നൈ ആരാധകരെ സംബന്ധിച്ച് അത്ര നല്ല റിപ്പോർട്ടുകള് അല്ല പുറത്തു വരുന്നത്. ടീമിലെ പ്രധാന താരമായാ ധോണിയുടെ പരിക്ക് പൂർണമായും ഭേദമായിട്ടില്ലെന്നും അദ്ദേഹം അടുത്ത മത്സരത്തില് കളിയ്ക്കാൻ സാധ്യതയില്ലെന്നും ടീമിന്റെ സിഇഒയായ കാശി വിശ്വനാഥൻ അറിയിച്ചു.
ധോണിയുടെ അഭാവം ടീമിന്റെ പ്രകടനത്തെ ബാധിച്ചിട്ടുണ്ട്. ബാറ്റിങ്ങില് ഫിനിഷിങ് റോളില് മാത്രമല്ല, സമ്മർദ്ദ ഘട്ടങ്ങളില് തീരുമാനങ്ങള് എടുക്കുന്നതിലും ധോണിയുടെ സാന്നിധ്യം ടീമിന് വലിയ സഹായമായിരുന്നു.
പരാഗ് ബ്രില്ലിയൻസ്; റിയാൻ പരാഗിന് കീഴില് ആർആറിന് സ്വപ്നമതുല്യ കുതിപ്പ്
കാലിലെ പേശിവലിവിനെ (calf muscle strain) തുടർന്നാണ് ധോനി ചികിത്സ തേടിയത്. നിലവില് താരം റിഹാബിലാണ്. അടുത്തിടെ നെറ്റ്സില് ബാറ്റിങ് പരിശീലനം ആരംഭിച്ചിരുന്നു. എങ്കിലും പൂർണ ഫിറ്റ്നസിലേക്ക് എത്താൻ താരത്തിന് ഒരു ആഴ്ചയും കൂടി വേണ്ടിവരുമെന്നാണ് വിലയിരുത്തല്.
അതേ സമയം പരിക്ക് ഭേദമായി ഡെവാള്ഡ് ബ്രവിസ് അടുത്ത മത്സരത്തില് തിരിച്ചെത്തുന്നത് ആശ്വാസമാണ്. വെടിക്കെട്ട് ബാറ്ററായ ദക്ഷിണാഫ്രിക്കൻ യുവതാരം കഴിഞ്ഞ മൂന്ന് മത്സരത്തില് താരം ഇറങ്ങിയിരുന്നില്ല.
Content highlights: csk news ms dhoni arrival delay dewald brevis joins ipl 2026