പുതിയ ജില്ലയുമായി ബന്ധപ്പെട്ട തീരുമാനം യുഡിഎഫില്‍ ചർച്ച ചെയ്യണമെന്ന് അദ്ദേഹം ആവശ്യപ്പെട്ടു. തൊടുപുഴ ഇടുക്കിയുടെ ഹൃദയവും ആത്മാവുമാണെന്നും അത് പറിച്ചുകൊണ്ടുപോകാൻ അനുവദിക്കില്ലെന്നും മോൻസ് ജോസഫ് പറഞ്ഞു.

മുന്നണിയില്‍ നിലപാട് അറിയിച്ചിട്ടുണ്ട്

മൂവാറ്റുപുഴ ജില്ലാ രൂപീകരണവുമായി ബന്ധപ്പെട്ട കേരള കോണ്‍ഗ്രസിന്റെ നിലപാട് നേരത്തെ തന്നെ മുന്നണിയെ അറിയിച്ചിട്ടുണ്ടെന്ന് മന്ത്രി വ്യക്തമാക്കി. മൂവാറ്റുപുഴ എംഎല്‍എയായിരുന്ന ജോസഫ് വാഴക്കൻ ഈ ആവശ്യം നിയമസഭയില്‍ ഉന്നയിച്ചിരുന്നു. എന്നാല്‍ അന്ന് ആവശ്യം പരിഗണിക്കാനാകില്ലെന്നാണ് സർക്കാർ മറുപടി നല്‍കിയതെന്നും മോൻസ് ജോസഫ് പറഞ്ഞു.

തീരുമാനം ചർച്ച ചെയ്ത് മതി

മൂവാറ്റുപുഴ ജില്ലയെന്ന ആവശ്യം ഉയരുന്ന സാഹചര്യത്തില്‍ യുഡിഎഫില്‍ വിശദമായ ചർച്ച വേണമെന്നാണ് കേരള കോണ്‍ഗ്രസിന്റെ നിലപാട്. തൊടുപുഴയുടെ പ്രാധാന്യം കണക്കിലെടുത്തായിരിക്കണം ഇക്കാര്യത്തില്‍ തീരുമാനം എടുക്കേണ്ടതെന്നും മന്ത്രി വ്യക്തമാക്കി.

മുല്ലപ്പെരിയാറില്‍ സുരക്ഷാ പരിശോധന

മുല്ലപ്പെരിയാർ അണക്കെട്ടിലെ സമഗ്ര സുരക്ഷാ പരിശോധന സമിതി സെപ്റ്റംബർ ഒന്നിന് അണക്കെട്ടിലെത്തുമെന്നും മോൻസ് ജോസഫ് അറിയിച്ചു. സുപ്രീം കോടതി നിർദേശിച്ച പ്രകാരം സമ്പൂർണ സുരക്ഷാ പരിശോധന നടത്തണമെന്ന് കേരളം ആവശ്യപ്പെടും. പരിശോധനയ്ക്ക് തയ്യാറായില്ലെങ്കില്‍ സുപ്രീംകോടതിയെ സമീപിക്കുമെന്നും മന്ത്രി പറഞ്ഞു.

പുതിയ അഭിഭാഷക സംഘവുമായി കേരളം

മുല്ലപ്പെരിയാർ കേസിന്റെ നടത്തിപ്പില്‍ മുൻ സർക്കാരിന് വീഴ്ച സംഭവിച്ചെന്നും മന്ത്രി ആരോപിച്ചു. കേരളം പുതിയ അഭിഭാഷക സംഘത്തെ സുപ്രീംകോടതിയില്‍ നിയോഗിച്ചിട്ടുണ്ട്. സമഗ്ര സുരക്ഷാ പരിശോധനയ്ക്ക് ശേഷം ഉന്നതതല യോഗം വിളിച്ചുചേർക്കുമെന്നും മോൻസ് ജോസഫ് പറഞ്ഞു.