Thursday, 04 Mar, 8.06 am സമകാലിക മലയാളം

കേരളം
ഊതിയാല്‍ ഇനി ബീപ് മാത്രമല്ല, നിങ്ങളുടെ മുഖവും വരും; മദ്യപിച്ച്‌ വാഹനമോടിക്കുന്നവര്‍ക്ക് പുതിയ പണി വരുന്നുണ്ട്

കൊച്ചി; മദ്യപിച്ചു വാഹനമോടിക്കുന്നവരെ കുടുക്കാന്‍ പുതുപുത്തന്‍ ബ്രീത്ത് അനലൈസറുകള്‍ കൊണ്ടുവരാന്‍ പൊലീസ്. ഒന്നു ഊതിയാല്‍ ഇനി വരിക ബീപ് ശബ്ദം മാത്രമല്ല, നിങ്ങളുടെ ചിത്രവും മുഴുവന്‍ വിവരങ്ങളുമായിരിക്കും. ക്യാമറയും പ്രിന്ററും കളര്‍ ടച്ച്‌ സ്ക്രീനുമുള്ള ബ്രീത്ത് അനലൈസറുകള്‍ പരീക്ഷിക്കാനുള്ള ഒരുക്കത്തിലാണ് പൊലീസ് വകുപ്പ്.

നാല് മെ​ഗാപിക്സല്‍ ശേഷിയുള്ള വൈഡ് ആം​ഗിള്‍ കാമറയുള്ള ബ്രീത്ത് അനലൈസറുകള്‍ക്കുള്ള ടെന്‍ഡര്‍ നടപടികള്‍ പുരോ​ഗമിക്കുകയാണ്. പുതിയ ഉപകരണങ്ങള്‍ വരുന്നതോടെ രക്തത്തിലെ ആല്‍ക്കഹോളിന്റെ അളവ്, ടെസ്റ്റ് നടത്തിയ തിയതി, സമയം, സ്ഥലം, പേര്, ഡ്രൈവിങ് ലൈസന്‍സ് നമ്ബര്‍, വാഹന രജിസ്ട്രേഷന്‍ നമ്ബര്‍, ടെസ്റ്റ് നടത്തിയ ഓഫിസറുടെ പേര്, ഓഫിസറുടേയും ഡ്രൈവറുടേയും ഒപ്പ് എന്നിവയടങ്ങിയ രസീത് ലഭിക്കും.

രസീതിന്റെ അടിസ്ഥാനത്തില്‍ നേരിട്ടോ ഓണ്‍ലൈനായിട്ടോ 15 ദിവസത്തിനുള്ളില്‍ പിഴയടക്കാം. വാഹനമോടിച്ചയാളിന്റെ ചിത്രമടക്കമുള്ള വിവരങ്ങള്‍ ബ്രീത്ത് അനലൈസറിന്റെ മെമ്മറി കാര്‍ഡില്‍ സൂക്ഷിക്കാം. പിന്നീട് ഇത് കമ്ബ്യൂട്ടറിലേക്ക് മാറ്റാം.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Samakalikamalayalam
Top