Dailyhunt Logo
  • Light mode
    Follow system
    Dark mode
    • Play Story
    • App Story
കരുത്തൻ, ലോകം ബഹുമാനിക്കുന്ന മികച്ച നേതാവ്; മോദിയെ പുകഴ്ത്തി ട്രംപ്

കരുത്തൻ, ലോകം ബഹുമാനിക്കുന്ന മികച്ച നേതാവ്; മോദിയെ പുകഴ്ത്തി ട്രംപ്

മനില: ഇന്ത്യൻ പ്രധാനമന്ത്രി നരേന്ദ്ര മോദിയെ കരുത്തനെന്ന് വിശേഷിപ്പിച്ച്‌ അമേരിക്കൻ പ്രസിഡൻ്റ് ഡൊണാള്‍ഡ് ട്രംപ്.

ക്വാഡ് ഉച്ചകോടിക്കിടെയാണ് ട്രംപ് മോദിയെ പുകഴ്ത്തിയത്. നരേന്ദ്ര മോദി ലോകം ബഹുമാനിക്കുന്ന മികച്ച നേതാവും, കരുത്തനായ വ്യക്തിയാണെന്നും ട്രംപ് പറഞ്ഞു. ഇന്തോ - പസഫിക് മേഖലയിലെ സുരക്ഷാ സൗഹൃദങ്ങളും ആഗോള സഹകരണവും ചർച്ച ചെയ്യുന്നതിനായാണ് ഫിലിപ്പീൻസില്‍ ക്വാഡ് ഉച്ചകോടി സംഘടിപ്പിച്ചത്.

'അദ്ദേഹം എൻ്റെ സുഹൃത്താണ്. ഒരു മികച്ച നേതാവാണ്, ലോകമെമ്പാടും അദ്ദേഹത്തെ ബഹുമാനിക്കുന്നു.' ട്രംപ് പറഞ്ഞു. ഞങ്ങള്‍ക്ക് മികച്ച ബന്ധമുണ്ട്, അടുത്ത ഏകോപനവും നടത്തുന്നുണ്ട്. ലോകത്തിലെ ഏറ്റവും വിജയകരമായ പങ്കാളിത്തങ്ങളില്‍ ചിലത് ആണ് ഈ സംഘം പ്രതിനിധീകരിക്കുന്നതെന്നും ക്വാഡ് നേതാക്കളെ അഭിസംബോധന ചെയ്തുകൊണ്ട് ട്രംപ് പറഞ്ഞു.

ഇന്ത്യ, ജപ്പാൻ, ഓസ്‌ട്രേലിയ എന്നീ രാജ്യങ്ങളുമായി യുഎസിന് മികച്ച ബന്ധമാണുള്ളതെന്നും ട്രംപ് പറഞ്ഞു. നയതന്ത്ര നിലപാടുകളിലും രാജ്യത്തിൻ്റെ താല്പര്യങ്ങള്‍ സംരക്ഷിക്കുന്നതിലും മോദി പുലർത്തുന്ന ദൃഢതയെയും കാർക്കശ്യത്തെയും സൂചിപ്പിച്ച്‌ 'ടഫ് മാൻ' എന്നാണ് ട്രംപ് മോദിയെ വിശേഷിപ്പിച്ചത്. 49-ാമത് ആസിയാൻ ഉച്ചകോടിക്കായി ചൊവ്വാഴ്ചയാണ് ട്രംപ് ഫിലിപ്പീൻസ് തലസ്ഥാനത്ത് എത്തിയത്. പ്രാദേശിക നേതാക്കളുമായി കൂടിക്കാഴ്ചകയും വ്യാപാര, സുരക്ഷാ സഹകരണം ചർച്ച ചെയ്യുകയും ചെയ്യും.

ക്വാഡിനെ വിശ്വസനീയ പങ്കാളിത്തത്തിന്റെ വേദി എന്നാണ് മോദി വിശേഷിപ്പിച്ചത്. മൂന്ന് ദിവസത്തെ ഏഷ്യൻ പര്യടനത്തിലെ ആദ്യ ഇടമാണ് മനില, ചൈനീസ് പ്രസിഡൻ്റ് ഷി ജിൻപിങ്, റഷ്യൻ പ്രസിഡൻ്റ് വ്‌ളാഡിമിർ പുടിൻ എന്നിവരുമായുള്ള ചർച്ചകള്‍ക്കായി ട്രംപ് ചൈനയിലും എത്തുന്നുണ്ട്. ആസിയാൻ - ഇന്ത്യ ഉച്ചകോടി, ഈസ്റ്റ് ഏഷ്യ ഉച്ചകോടി എന്നിവയില്‍ പ്രധാനമന്ത്രി നരേന്ദ്ര മോദി പങ്കെടുക്കും. ആസിയാൻ രാജ്യങ്ങളുമായി അടുത്ത സൗഹൃദത്തിനു അതിയായ പ്രാധാന്യമാണ് ഇന്ത്യ നല്‍കുന്നതെന്ന് മോദി പറഞ്ഞു.

വ്യാപാരം, സംസ്കാരം, സമുദ്ര സുരക്ഷ, സാങ്കേതികവിദ്യ എന്നീ മേഖലകളില്‍ ആസിയാൻ രാജ്യങ്ങളുമായി ആഴത്തിലുള്ള സഹകരണമാണ് ഇന്ത്യയുടെ നയമെന്നും അദ്ദേഹം വ്യക്തമാക്കി. ഇന്ത്യയെ സംബന്ധിച്ച്‌ ക്വാഡ് എന്നത് ക്രിയാത്മകവും വിശ്വസ്തവുമായ ഒരു പങ്കാളിത്തമാണ് എന്നാണ് പ്രധാനമന്ത്രി മോദി പറഞ്ഞത്. നാല് രാജ്യങ്ങളുടെയും വിദേശകാര്യ മന്ത്രിമാർ അഞ്ച് തവണ കൂടിക്കാഴ്ച നടത്തിയത് ഈ കൂട്ടായ്മയുടെ ശക്തമായ രാഷ്ട്രീയ ഇച്ഛാശക്തിക്ക് തെളിവാണെന്ന് അദ്ദേഹം പറഞ്ഞു.

ഉച്ചകോടിക്കിടെയാണ് ക്വാഡ് രാജ്യത്തലവൻമാരുടെ യോഗം. രണ്ട് വർഷത്തിനുശേഷമാണു ക്വാഡ് നേതാക്കളുടെ കൂടിക്കാഴ്ച. ജോ ബൈഡൻ പ്രസിഡൻ്റായിരിക്കെ 2024 സെപ്റ്റംബറില്‍ യുഎസിലെ ഡെലവെയറിലാണ് അവസാനം ക്വാഡ് യോഗം നടന്നത്.

Dailyhunt
Disclaimer: This content has not been generated, created or edited by Dailyhunt. Publisher: Samayam Malayalam