13 ടീമുകളാണ് ഇത്തവണത്തെ ഐഎസ്‌എല്ലില്‍ പങ്കെടുക്കുന്നത്. എല്ലാ ടീമുകളും വലിയ സാമ്പത്തിക പ്രശ്നം നേരിടുന്നതിനാല്‍ എല്ലാ ടീമുകള്‍ക്കും ഈ സീസണിലെ കിരീടം വളരെ പ്രധാനപ്പെട്ടതാണ്.

കേരള ബ്ലാസ്റ്റേഴ്സ് എഫ്സിയും ഇത്തവണ വലിയ അഴിച്ചുപണിയോടെയാണ് വരാൻ തയ്യാറെടുക്കുന്നത്. നിലവില്‍ ടീമിന്റെ ഭാഗമായിരിക്കുന്ന പ്രധാന താരങ്ങളെല്ലാം ടീം വിട്ട് കഴിഞ്ഞു. പരിശീലകൻ ആഷ്ലി വെസ്റ്റ് വുഡിന് കീഴില്‍ പുതിയൊരു ടീമിനെ സൃഷ്ടിച്ച്‌ കപ്പിലേക്കെത്തുകയാണ് കേരള ബ്ലാസ്റ്റേഴ്സിന്റെ ലക്ഷ്യം. കന്നി ഐഎസ്‌എല്‍ കിരീടമാണ് കേരള ബ്ലാസ്റ്റേഴ്സ് ലക്ഷ്യമിടുന്നത്.

എന്നാല്‍ അതിന് കേരള ബ്ലാസ്റ്റേഴ്സിന് മികച്ച താരനിരയെ സൃഷ്ടിച്ചാല്‍ മാത്രം കാര്യം നടക്കില്ല. അതിന് മറ്റ് ചില കാര്യങ്ങള്‍ കൂടി ശ്രദ്ധിക്കേണ്ടതായുണ്ട്. ഇത് എന്തൊക്കെയാണെന്ന് പരിശോധിക്കാം. എടുത്തു പറയേണ്ട പ്രധാനപ്പെട്ട കാര്യം മുന്നൊരുക്കമാണ്. കഴിഞ്ഞ സീസണുകളിലെല്ലാം ബ്ലാസ്റ്റേഴ്സിന്റെ മുന്നൊരുക്കം പാളിയിട്ടുണ്ട്.

സീസണ്‍ തുടങ്ങുന്നതിന് ഒരു മാസം മുമ്പെങ്കിലും മികച്ചൊരു ടീമിനെ സൃഷ്ടിച്ച്‌ പടയൊരുക്കം തുടങ്ങാൻ കേരള ബ്ലാസ്റ്റേഴ്സിന് സാധിക്കണമായിരുന്നു. കഴിഞ്ഞ സീസണുകളിലെല്ലാം പല ഘട്ടങ്ങളിലായാണ് താരങ്ങള്‍ ടീമിലേക്ക് വരുന്നത്. അത്തരമൊരു സാഹചര്യത്തില്‍ ടീമിനുള്ളില്‍ മികച്ചൊരു ധാരണ സൃഷ്ടിക്കാൻ സാധിക്കാതെ പോകുന്നു. ഇത് ആദ്യ മത്സരങ്ങളിലെ പ്രകടനങ്ങളെ കാര്യമായി ബാധിക്കുന്നു.

ടീമിലെ താരങ്ങള്‍ തമ്മില്‍ മികച്ച ധാരണ സൃഷ്ടിച്ച്‌ വരുമ്പോഴേക്കും പലപ്പോഴും സീസണ്‍ പകുതിയാവും. ഈ പിഴവ് ഇത്തവണയും ആവർത്തിക്കപ്പെട്ടിട്ടുണ്ട്. ഈ സമയം വരെയും ടീമിനെ സൃഷ്ടിക്കാനും മുന്നൊരുക്കം ആരംഭിക്കാനും കേരള ബ്ലാസ്റ്റേഴ്സിന് സാധിച്ചിട്ടില്ല. ഇത് ടീമിനെ പ്രതികൂലമായി ബാധിക്കാൻ സാധ്യതയുള്ള കാര്യമാണെന്ന് തന്നെ പറയാം.

പല മികച്ച റെക്കോഡുള്ള വിദേശ താരങ്ങളും കേരള ബ്ലാസ്റ്റേഴ്സിന്റെ ഭാഗമായിട്ടുണ്ട്. എന്നാല്‍ ഇവരെയൊന്നും മികച്ച പ്രകടനത്തിലേക്കെത്തിക്കാനുള്ള അവസരം ടീം മാനേജ്മെന്റ് നല്‍കുന്നില്ലെന്നതാണ് വസ്തുത. ഈ പ്രശ്നത്തിന് പരിഹാരം കാണാൻ സാധിക്കേണ്ടത് കേരള ബ്ലാസ്റ്റേഴ്സിനെ സംബന്ധിച്ച്‌ വളരെ പ്രധാനപ്പെട്ട കാര്യമാണെന്ന് തന്നെ പറയാം.

സഞ്ജു സാംസണ്‍ മൂന്നാം നമ്പറില്‍, ക്യാപ്റ്റനായി സൂര്യകുമാർ യാദവ്; 150ന് മുകളില്‍ സ്ട്രെെക്ക് റേറ്റുള്ള ഇന്ത്യൻ താരങ്ങളുടെ ബെസ്റ്റ് ടി20 ഇലവനിതാ

രണ്ടാമത്തെ കാര്യം കേരള ബ്ലാസ്റ്റേഴ്സിനൊപ്പം സംതുലിതമായ താരനിര വേണമെന്നതാണ്. മധ്യനിരയും പ്രതിരോധവും മുന്നേറ്റവും ശക്തമായൊരു താരനിരയെ സൃഷ്ടിക്കണം. പ്രതിരോധത്തില്‍ സമീപ സീസണുകളില്‍ വലിയ വിടവുണ്ടായിരുന്നു. അവസാന സീസണിലെ ആദ്യ മത്സരങ്ങളില്‍ മധ്യ നിര ഉണർന്ന് കളിക്കുകയും വിങ്ങുകളിലൂടെ പന്ത് ബോക്സിലേക്കെത്തുകയും ചെയ്യുമ്പോഴും അത് ഗോളാക്കി മാറ്റാൻ ആർക്കും സാധിക്കുന്നില്ലായിരുന്നു.

ഈ പ്രശ്നത്തിന് പരിഹാരം കാണാൻ ഇത്തവണ സാധിക്കണം. മികച്ച ഫിനിഷർമാരായ താരങ്ങളെ കേരള ബ്ലാസ്റ്റേഴ്സ് ടീമിലേക്ക് കൊണ്ടുവരേണ്ടതായുണ്ട്. ലക്ഷ്യത്തിലേക്കെത്തിക്കാൻ സാധിക്കുന്ന മികച്ച വിദേശ താരങ്ങളെ കണ്ടെത്താൻ ആഷ്ലി വെസ്റ്റ് വുഡ് എന്ന പരിശീലകന് സാധിക്കണം. അവസാന സീസണില്‍ ശരാശരി ടീമിനെ ഉപയോഗിച്ച്‌ അത്ഭുതം സൃഷ്ടിച്ച ആഷ്ലിയില്‍ ഇത്തവണ വലിയ പ്രതീക്ഷയാണുള്ളത്.

മികച്ച തുടക്കം ലഭിക്കേണ്ടത് വളരെ പ്രധാനപ്പെട്ട കാര്യമാണ്. കപ്പടിക്കാൻ മികച്ച തുടക്കം കേരള ബ്ലാസ്റ്റേഴ്സ് നേടിയെടുക്കേണ്ടതായുണ്ട്. സീസണിന്റെ പകുതിയില്‍ ശക്തമായ തിരിച്ചുവരവ് നടത്താൻ പലവട്ടം ബ്ലാസ്റ്റേഴ്സിന് സാധിച്ചിട്ടുണ്ട്. എന്നാല്‍ ഇത് കപ്പിലേക്കെത്താൻ സഹായിക്കില്ല. ഈ സീസണിലെങ്കിലും മികച്ച തുടക്കം കേരള ബ്ലാസ്റ്റേഴ്സ് ഉറപ്പാക്കാതെ കപ്പിലേക്കെത്താൻ സാധിക്കില്ലെന്ന് തന്നെ പറയാം.