തിരുവനന്തപുരം: ജനാധിപത്യത്തെ കശാപ്പ് ചെയ്തും കേന്ദ്ര ഏജൻസികളെ ആയുധമാക്കിയും പിണറായി വിജയനെയും അദ്ദേഹത്തിന്റെ കുടുംബത്തെയും വേട്ടയാടാമെന്ന് വ്യാമോഹിക്കുന്നവർക്ക് കേരളീയ സമൂഹം മറുപടി നല്‍കുമെന്ന് മുൻ മന്ത്രി വി ശിവൻകുട്ടി.

കഴിഞ്ഞ കുറച്ചുനാളുകളായി തുടരുന്ന ഈ രാഷ്ട്രീയ പകപോക്കലിന്റെ ഏറ്റവും ഒടുവിലത്തെ ഉദാഹരണമാണ് ഇന്നലെ നടന്ന റെയ്ഡുകള്‍. ഇത്തരം ഭീഷണികള്‍ കൊണ്ട് സഖാവ് പിണറായി വിജയനെ തളർത്താമെന്ന് ആരും കരുതേണ്ട എന്ന് ശിവൻകുട്ടി പറഞ്ഞു.

ജനാധിപത്യപരമായ ഏതൊരു അന്വേഷണത്തെയും നേരിടാൻ ഞങ്ങള്‍ തയ്യാറാണ്. എന്നാല്‍ ഇതൊരു അന്വേഷണമല്ല, മറിച്ച്‌ കേരളത്തിലെ ഇടതുപക്ഷ ജനനായകനെ ലക്ഷ്യം വച്ചുള്ള ആസൂത്രിതമായ ഗൂഢാലോചനയാണ്. ഇത് ജനാധിപത്യത്തിന് തന്നെ വലിയ ഭീഷണിയാകുന്നു. ഇവിടെയാണ് കോണ്‍ഗ്രസ് നേതൃത്വത്തിന്റെ ഇരട്ടത്താപ്പ് പ്രകടമാകുന്നത്. മുഖ്യമന്ത്രി വിഡി സതീശൻ പ്രധാനമന്ത്രി നരേന്ദ്ര മോദിയെ നേരില്‍ കണ്ട് ചർച്ച നടത്തിയതിന് പിന്നാലെയാണ് ഇത്തരമൊരു നടപടി എന്നതില്‍ വലിയ ദുരൂഹതയുണ്ടെന്ന് ശിവൻകുട്ടി പറഞ്ഞു.