ചരിത്രത്തില് ആദ്യമായിട്ട് ഒരു പരാജയ ചിത്രത്തിന്റെ രണ്ടാം ഭാഗം വന്നു, അത് വന് ഹിറ്റായി. അതില് നിന്ന് പ്രചോദനം ഉള്ക്കൊണ്ടുകൊണ്ട് മൂന്നാം ഭാഗവും.
ആദ്യ ഭാഗം റിലീസ് ചെയ്ത് മൂന്നാം ഭാഗത്തിലേക്ക് എത്തുമ്പോള് ഗംഭീര ഹൈപ്പാണ് പ്രേക്ഷകര്ക്ക്. പാപ്പനും പിള്ളേരും അത്രയധികം ആളുകളെ സ്വാധീനിച്ചിട്ടുണ്ട്. നായകനും വില്ലനും മാത്രമല്ല, സിനിമയില് വന്നവനും നിന്നവനും എല്ലാം ഒരു ബിജിഎം ഉണ്ടായിരുന്നു.
പാപ്പനൊപ്പം ക്ലീറ്റസും, അറക്കല് അബുവും, ലോലനും എല്ലാം ഇതിനോടകം കള്ട്ട് ക്ലാസിക് കഥാപാത്രങ്ങളായി മാറിക്കഴിഞ്ഞു. ട്രെയിലറില് ഡാഡി ഈസ് ബാക്ക് എന്ന ഡ്യൂഡിന്റെ (വിനായകന്) ഡയലോഗുണ്ടാക്കിയ ഓളം ചെറുതൊന്നുമല്ല. പക്ഷേ ആ ഹൈപ്പും, പ്രതീക്ഷയും എല്ലാം സിനിമ നിലനിര്ത്തിയോ, എന്താണ് ആട് 3 കണ്ട പ്രേക്ഷകരുടെ അഭിപ്രായം.
എനിക്കേറ്റവും സന്തോഷവും സമാധാനവും ധൈര്യവും തരുന്ന ഇടം, ഇത് സെല്ഫ് മോട്ടിവേഷനല്ല; റിമി ടോമി പറയുന്നു
ഫ്രൈഡെ ഫിലിംസിന്റെ ബാനറില് മിഥുന് മാനുവല് തിരക്കഥ എഴുതി സംവിധാനം ചെയ്ത ചിത്രത്തിന് സമ്മിശ്ര പ്രതികരണങ്ങളാണ് ഫസ്റ്റ് ഡേ ഫസ്റ്റ് ഷോയ്ക്ക് ശേഷം വരുന്നത്. ഷാന് റഹ്മാന്റെ മ്യൂസിക്കും അതിനൊപ്പം ഈ കഥാപാത്രങ്ങളും വന്നിറങ്ങുമ്പോള് പ്രേക്ഷകര്ക്കുണ്ടാവുന്ന ഓളം വലിയ സംഭവമാണെന്നും, സിനിമ പ്രതീക്ഷ കാത്തു എന്നും ഒരു കൂട്ടര് പറയുന്നു.
ആദ്യ പകുതിയില് ധര്മജന്റെ ക്ലീറ്റസ് നിറഞ്ഞു നില്ക്കുകയായിരുന്നു, ചിരിച്ച് ചിരിച്ച് വയറൊക്കെ ഉളുക്കി എന്നാണ് ചിലരുടെ പ്രതികരണം. ഓരോരുത്തരുടെ ഇന്ട്രോയും സ്വാഗ് ആയിരുന്നു. സിനിമയ്ക്കുള്ള റിപ്പീറ്റ് വാച്ച് വാല്യു ഈ സിനിമയിലൂടെ മിഥുന് മാനുവല് തോമസ് തിരിച്ചു കൊണ്ടു വരുന്നുണ്ട് എന്നൊക്കെയാണ് പോസിറ്റീവ് അഭിപ്രായങ്ങള്.
ഈ ഫോട്ടോയില് സിന്ധു എന്നെക്കാള് ഉയര്ന്നിരിക്കുന്നതിന് ഒരു കാരണമുണ്ട്; രസകരമായ രഹസ്യം വെളിപ്പെടുത്തി കൃഷ്ണ കുമാര്
എന്നാല് മറ്റു ചിലരെ സംബന്ധിച്ച് സിനിമ വര്ക്കായിട്ടില്ല. ഒരേ അഭിനേതാക്കളില് ഒന്നില് കൂടുതല് കഥാപാത്രങ്ങള് വരുന്നതും, ടൈം ട്രാവലും ഒന്നും മൊത്തത്തില് അംഗീകരിക്കാന് കഴിയാത്തവര്ക്കാണ് സിനിമ വര്ക്കാകാത്തത്. മൊത്തത്തില് ഒരു ബാല, കോമഡി സ്കിറ്റ് ഒക്കെ കാണുന്ന പ്രതീതിയാണെന്ന് അത്തരക്കാര്ക്ക് തോന്നിയേക്കാം. ഒന്നും രണ്ടും ഭാഗത്തിലുള്ള പാപ്പനെയും പിള്ളേരെയും പ്രതീക്ഷിച്ചു വരുന്നവര്ക്ക് നിരാശയാണെന്ന അഭിപ്രായവും വരുന്നുണ്ട്.