ആഗ്ര: ചെയ്യാത്ത തെറ്റിന്‍റെ പേരിലാണ് നരേന്ദ്ര സിംഗിനും ഭാര്യ നജ്മയ്ക്കും തടവില്‍ കഴിയേണ്ടി വന്നത്. ഇവര്‍ നിരപരാധികളാണെന്ന് തെളിഞ്ഞ് കോടതി മോചന ഉത്തരവിടുമ്ബോഴേക്കും നീണ്ട അഞ്ചുവര്‍ഷങ്ങള്‍ പിന്നിട്ടിരുന്നു. ജയിലില്‍ നിന്നും പുറത്തിറങ്ങിയ ദമ്ബതികളെ കാത്തിരുന്നത് മറ്റൊരു ദുഃഖമാണ്. റിലീസായെത്തിയ ദിവസം മുതല്‍ തന്നെ ഇവര്‍ സ്വന്തം മക്കളെ തേടുകയാണ്. എന്നാല്‍ രണ്ടുപേരെയും കുറിച്ച്‌ ഇതുവരെ ഒരു വിവരവും ലഭിച്ചിട്ടില്ല.

മാതാപിതാക്കള്‍ ജയിലിലായ സമയത്ത് അന്ന് അഞ്ചുവയസുണ്ടായിരുന്ന മകനെയും മൂന്ന് വയസുകാരിയായിരുന്ന മകളെയും ഏതോ അനാഥാലയത്തിലേക്ക് അയച്ചു എന്ന വിവരം മാത്രമാണ് ഇവര്‍ക്ക് ലഭിച്ചത്.