സ്വന്തം ശരീരത്തിന്റെ പ്രതിരോധസംവിധാനം സന്ധികളെയും മറ്റ് അവയവങ്ങളെയും ആക്രമിക്കുന്ന ഒരു ഓട്ടോഇമ്മ്യൂണ് രോഗമാണ് ആമവാതം.
സന്ധികളിലെ നീരും കഠിനമായ വേദനയുമാണ് ഇതിന്റെ പ്രധാന ലക്ഷണങ്ങള്.
രാവിലെ അനുഭവപ്പെടുന്ന സന്ധി കാഠിന്യം: ഉറക്കമുണരുമ്പോഴോ വളരെ നേരം ഒരേ ഇരുപ്പിലിരുന്ന ശേഷമോ സന്ധികള്ക്ക് മരവിപ്പും അനക്കാന് ബുദ്ധിമുട്ടും ഉണ്ടാകുന്നു. ഇത് സാധാരണയായി മണിക്കൂറുകളോളം നീണ്ടുനില്ക്കാം.
സന്ധിവേദനയും നീരും: കൈവിരലുകള്, കാല്പാദം, കൈക്കുഴ, കാല്മുട്ട് തുടങ്ങിയ ചെറിയ സന്ധികളിലാണ് വേദനയും നീരും ആദ്യം കണ്ടുതുടങ്ങുന്നത്.
ഇരുവശങ്ങളിലും ഒരേപോലെ ബാധിക്കുക: ശരീരത്തിന്റെ ഇരുവശങ്ങളിലുമുള്ള സന്ധികളെ ഒരേ സമയത്ത് ബാധിക്കുന്നു. ഉദാഹരണത്തിന്, വലതു കൈവിരലില് നീരുണ്ടായാല് ഇടതു കൈവിരലിലും സമാനമായ ലക്ഷണം കാണാം.
വിട്ടുമാറാത്ത ക്ഷീണം: സന്ധികളിലെ വേദന തുടങ്ങുന്നതിന് മുന്പുതന്നെ അമിതമായ ക്ഷീണം, തളര്ച്ച, ചെറിയ പനി, വിശപ്പില്ലായ്മ എന്നിവ അനുഭവപ്പെടാം.രോഗം മൂര്ച്ഛിക്കുന്നതിനനുസരിച്ച് സന്ധികള്ക്ക് വൈകല്യം സംഭവിക്കാനും, ശ്വാസകോശം, ഹൃദയം, കണ്ണുകള് എന്നിവയെ ബാധിക്കാനും സാധ്യതയുണ്ട്