Tuesday, 02 Jul, 10.30 am Sathyam Online

ലേറ്റസ്റ്റ് ന്യൂസ്
ലോക്‌സഭാ തെരഞ്ഞെടുപ്പ് നടക്കാമെങ്കലില്‍ എന്തുകൊണ്ട് നിയമസഭാ തെരഞ്ഞെടുപ്പ് നടത്തിക്കൂടാ?' ; കശ്മീരില്‍ മറ്റാരെങ്കിലും സര്‍ക്കാറുണ്ടാക്കാതിരിക്കാന്‍ ഗവര്‍ണറുടെ ഫാക്‌സ് കേടാക്കി ; ബി.ജെ.പിയുടെ അജണ്ട തുറന്നുകാട്ടി രാജ്യസഭയില്‍ വിപ്ലവ് താക്കൂര്‍

ഡല്‍ഹി : കശ്മീരില്‍ ബി.ജെ.പിയുടെ അജണ്ട തുറന്നുകാട്ടി രാജ്യസഭയില്‍ ഹിമാചല്‍ പ്രദേശില്‍ നിന്നുള്ള എം.പിയും മുതിര്‍ന്ന കോണ്‍ഗ്രസ് വനിതാ നേതാവുമായ വിപ്ലവ് താക്കൂര്‍. നാഷണല്‍ കോണ്‍ഫറന്‍സും കോണ്‍ഗ്രസും ജമ്മുകശ്മീരില്‍ സര്‍ക്കാറുണ്ടാക്കുന്നത് തടയാന്‍ ഗവര്‍ണറുടെ ഫാക്‌സ് പ്രവര്‍ത്തനരഹിതമാക്കിയെന്നതടക്കമുള്ള ആരോപണങ്ങളാണ് അവര്‍ സഭയില്‍ ഉയര്‍ത്തിയത്.

ജമ്മു-കശ്മീരിനായുള്ള പ്രമേയത്തിലും നിയമഭേദഗതിയിലും നടന്ന ചര്‍ച്ചയ്ക്കിടെ സംസാരിക്കുകയായിരുന്നു അവര്‍.

കശ്മീരില്‍ മറ്റാരെങ്കിലും സര്‍ക്കാറുണ്ടാക്കാതിരിക്കാനാണ് ഗവര്‍ണറുടെ ഫാക്‌സ് കേടാക്കിയത്. ജമ്മുകശ്മീരില്‍ ജനങ്ങളുടെ ആവശ്യം മാനിക്കാതെയാണ് ലോക്‌സഭ തെരഞ്ഞെടുപ്പ് മാത്രം നടത്തിയത്. ഇത് സ്വന്തം അജണ്ട നടപ്പാക്കാനുള്ള നാടകമായിരുന്നെന്നും താക്കൂര്‍ ആരോപിച്ചു.

'ലോക്‌സഭാ തെരഞ്ഞെടുപ്പ് നടക്കാമെങ്കലില്‍ എന്തുകൊണ്ട് നിയമസഭാ തെരഞ്ഞെടുപ്പ് നടത്തിക്കൂടാ?' എന്നും അവര്‍ ചോദിച്ചു.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Sathyam Online
Top