ഡല്ഹി: മഹാരാഷ്ട്ര, ഗുജറാത്ത് സംസ്ഥാനങ്ങളില് പെയ്യുന്ന കനത്ത മഴയെത്തുടർന്ന് പശ്ചിമ റെയില്വേ പാതയില് ട്രെയിൻ ഗതാഗതം താറുമാറായി.
ഇതോടെ കേരളത്തിലേക്കുള്ള പ്രധാന ട്രെയിനുകള് ഉള്പ്പെടെയുള്ള സർവീസുകള് റെയില്വേ വഴിതിരിച്ചുവിടുകയാണ്.
മുംബൈയിലെ പാല്ഘർ, വസയ് മേഖലകളിലും ഗുജറാത്തിലെ നവ്സാരിയിലും റെയില്വേ ട്രാക്കുകളില് കനത്ത വെള്ളക്കെട്ട് രൂപപ്പെട്ടതിനെ തുടർന്നാണ് ഈ അടിയന്തിര നടപടിക്ക് കാരണമായത്.
ഗതാഗത തടസത്തെ തുടർന്ന് ഇൻഡോർ- കൊച്ചുവേളി സൂപ്പർഫാസ്റ്റ് എക്സ്പ്രസ് സൂറത്തില് നിന്നും പൻവേല് വഴി തിരിച്ചുവിട്ടു.
പിന്നാലെ ഹസ്രത് നിസാമുദ്ദീൻ- തിരുവനന്തപുരം രാജധാനി എക്സ്പ്രസും വഴിതിരിച്ചുവിട്ടു. രാജധാനി എക്സ്പ്രസ് 12 മണിക്കൂറിലധികം വൈകിയാണ് ഓടുന്നത്. വരും മണിക്കൂറുകളില് ഗംഗാനഗർ- കൊച്ചുവേളി എക്സ്പ്രസും സൂറത്തില് നിന്നും വഴിതിരിച്ചുവിടുമെന്ന് റെയില്വേ അധികൃതർ അറിയിച്ചു.
ട്രാക്കുകളിലെ വെള്ളക്കെട്ടും ട്രെയിനുകളുടെ സമയക്രമത്തിലെ മാറ്റവും കാരണം വാപ്പി, ബോയ്സർ, വസായി റോഡ് എന്നീ സ്റ്റേഷനുകളിലെ യാത്രക്കാർ നിലവില് വലിയ ദുരിതത്തിലാണ്.
രാജധാനി ഉള്പ്പെടെയുള്ള പ്രധാന ട്രെയിനുകള് വൈകിയതും റൂട്ട് മാറ്റിയതും കാരണം കേരളത്തിലേക്ക് പോകേണ്ട മലയാളി യാത്രക്കാരാണ് വിവിധ സ്റ്റേഷനുകളിലായി കുടുങ്ങിക്കിടക്കുന്നത്.
മേഖലയില് അടുത്ത 24 മണിക്കൂർ കൂടി ശക്തമായ മഴ തുടരുമെന്നാണ് കാലാവസ്ഥാ മുന്നറിയിപ്പ്. അതിനാല് യാത്രക്കാർ റെയില്വേയുടെ ഔദ്യോഗിക വിവരങ്ങള് പരിശോധിച്ച ശേഷം മാത്രം സ്റ്റേഷനുകളിലേക്ക് ഇറങ്ങണമെന്ന് അധികൃതർ അഭ്യർ