പ്രളയത്തില്‍ ഇതുവരെ 157 പേരുടെ മൃതദേഹങ്ങള്‍ വീണ്ടെടുത്തതായി നേപ്പാള്‍ പൊലീസ് സ്ഥിരീകരിച്ചു.

133 ഇന്ത്യന്‍ പൗരന്മാര്‍ ഉള്‍പ്പെടെ 750-ലേറെ പേരെ കാണാതായിട്ടുണ്ട്. ബുധനാഴ്ച രാവിലെ തിബറ്റിലുണ്ടായ ഭൂകമ്പത്തെ തുടര്‍ന്ന് ഹിമതടാകം പൊട്ടിയതാണ് ഭോട്ടേ കോശി, തൃശൂലി നദികളില്‍ വന്‍ പ്രളയത്തിന് കാരണമായതെന്നാണ് പ്രാഥമിക നിഗമനം.

റസൂവ, നുവാകോട്ട്, ധാഡിംഗ്, ചിത്വാന്‍ ഉള്‍പ്പെടെയുള്ള ജില്ലകളില്‍ പ്രളയം രൂക്ഷമായ നാശനഷ്ടങ്ങളാണ് വിതച്ചത്. റോഡുകളും പാലങ്ങളും ബഹുനില കെട്ടിടങ്ങളും പ്രളയജലത്തില്‍ ഒലിച്ചുപോയി.

ദുരന്തബാധിതരെ സഹായിക്കുന്നതിനായി ഇന്ത്യന്‍ വ്യോമസേനയുടെ C-130J വിമാനം വഴി 10 ടണ്‍ ദുരിതാശ്വാസ സാമഗ്രികളും അടിയന്തര മരുന്നുകളും ഇന്ത്യ നേപ്പാളിലേക്ക് അയച്ചു.

നേപ്പാള്‍ പ്രധാനമന്ത്രി ബാലേന്ദ്ര ഷായുമായി സംസാരിച്ച ഇന്ത്യന്‍ പ്രധാനമന്ത്രി നരേന്ദ്ര മോദി എല്ലാവിധ മാനുഷിക സഹായങ്ങളും വാഗ്ദാനം ചെയ്തിട്ടുണ്ട്.

ദുരന്തമേഖലയില്‍ മൂവായിരത്തി അഞ്ഞൂറോളം പൊലീസുകാരെയും സൈന്യത്തെയും ഉപയോഗിച്ച്‌ രക്ഷാപ്രവര്‍ത്തനം ശക്തമാക്കിയിട്ടുണ്ട്.