ജിദ്ദ: തന്ത്രപരമായ പങ്കാളികള് എന്ന നിലയില് സൗദി അറേബ്യയും പാകിസ്ഥാനും "വരും കാലഘട്ടത്തില് സാമ്പത്തിക, കാർഷിക ബന്ധങ്ങള് കൂടുതല് ആഴത്തിലാക്കുന്നതില് ശ്രദ്ധ കേന്ദ്രീകരിക്കണമെന്നും അതിലൂടെ അവരുടെ നിലവിലുള്ള ചരിത്രപരമായ ബന്ധങ്ങളെ വ്യാപാര, നിക്ഷേപ മേഖലകളില് ശക്തവും പരസ്പര പ്രയോജനകരവുമായ പങ്കാളിത്തമാക്കി മാറ്റുന്നതിന് കാരണമാകുമെന്നും പാകിസ്ഥാൻ പ്രധാനമന്ത്രിയുടെ ഓഫീസ് പുറത്തിറക്കിയ പ്രസ്താവന പറയുന്നു.
ഇസ്ലാമാബാദിലെ പ്രധാനമന്ത്രിയുടെ ഓഫീസില് വെച്ച് പാകിസ്ഥാൻ പ്രധാനമന്ത്രി ഷഹബാസ് ഷെരീഫുമായി സൗദി പരിസ്ഥിതി - ജല - കൃഷി മന്ത്രി എഞ്ചി. അബ്ദുള്റഹ്മാൻ അല്ഫദ്ലി നടത്തിയ കൂടിക്കാഴ്ചയുടെ പശ്ചാത്തലത്തിലാണ് പ്രസ്താവന.
"പാകിസ്ഥാനെ സൗദിയുടെ ബന്ധിപ്പിക്കുന്ന സാഹോദര്യവും ചരിത്രപരവുമായ ബന്ധങ്ങളുടെ" ആഴം വിവരിച്ച ഷഹബാസ് ഷെരീഫിന്റെ പ്രസ്താവന രണ്ട് വിശുദ്ധ പള്ളികളുടെ സൂക്ഷിപ്പുകാരൻ സല്മാൻ രാജാവിനും കിരീടാവകാശി മുഹമ്മദ് ബിൻ സല്മാനും ആശംസകള് നേരുകയും ചെയ്തു.
അതേസമയം, സൗദി അറേബ്യ, തുർക്കി, പാകിസ്ഥാൻ എന്നിവ തമ്മില് അടുത്തിടെ ഒപ്പുവച്ച സംയുക്ത പ്രതിരോധത്തിനായുള്ള മക്ക കരാർ മൂന്ന് രാജ്യങ്ങള് തമ്മിലുള്ള ബന്ധം ശക്തിപ്പെടുത്തുന്നതിന് കാരണമായിട്ടുണ്ടെന്നും "മേഖലയിലുടനീളം ഐക്യത്തിന്റെയും സമാധാനത്തിന്റെയും സന്ദേശം" അതിലൂടെ ഉയർത്തിക്കാട്ടാൻ സാധിച്ചിട്ടുണ്ടെന്നും ഷഹബാസ് ഷെരീഫ് കൂട്ടിച്ചേർത്തു.
സംയുക്ത പ്രതിരോധ ഉടമ്പടിയ്ക്ക് പിന്നാലെ കൂടുതല് രംഗങ്ങളില് ബന്ധം ശക്തിപ്പെടുത്താൻ സൗദി അറേബ്യയും പാക്കിസ്ഥാനും. ഇതിന്റെ ഭാഗമായി കൃഷി, ഭക്ഷ്യസുരക്ഷ, ജലസ്രോതസ്സുകള് എന്നിവയിലാണ് ആഴത്തിലുള്ള സഹകരണം സ്ഥാപിച്ച് ശക്തിപ്പെടുത്താനുള്ള പ്രതിബദ്ധത ഇരു രാജ്യങ്ങളും പ്രഖ്യാപിച്ചു. ഇക്കാര്യങ്ങളില് ചർച്ചകള് തുടരുന്നതിനായി ഇസ്ലാമാബാദ് കാർഷിക വിദഗ്ദ്ധരുടെ ഒരു സംഘത്തെ റിയാദിലേക്ക് അയച്ചിട്ടുമുണ്ട്.
സാങ്കേതികവിദ്യ, ഗവേഷണം, വികസനം എന്നിവയിലൂന്നിയും ജലസ്രോതസ്സുകളുടെ കൂടുതല് കാര്യക്ഷമമായ ഉപയോഗത്തിലൂടെയും കാർഷിക ഉല്പാദനക്ഷമത വർദ്ധിപ്പിക്കുന്നതിനുള്ള വഴികളെക്കുറിച്ച് പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫ് സൗദി പരിസ്ഥിതി - ജല - കൃഷി മന്ത്രി എഞ്ചി. അബ്ദുള്റഹ്മാൻ അല്ഫദ്ലിയുമായി ചർച്ച ചെയ്തു.
അതോടൊപ്പം, ഉഭയകക്ഷി പങ്കാളിത്തത്തിന്റെ സാധ്യതകള് പൂർണ്ണമായി മനസ്സിലാക്കുക എന്ന ലക്ഷ്യത്തോടെ, സാങ്കേതിക ചർച്ചകള് ശക്തിപ്പെടുത്തുന്നതിനായി പാകിസ്ഥാൻ കാർഷിക വിദഗ്ദ്ധരുടെ ഒരു സംഘം ഉടൻ സൗദി തലസ്ഥാനമായ റിയാദ് സന്ദർശിക്കുമെന്ന് ഷെഹ്ബാസ് ഷെരീഫ് പ്രഖ്യാപിച്ചു.
ഇരു രാജ്യങ്ങളും തമ്മിലുള്ള ക്രിയാത്മകമായ ആശയവിനിമയത്തിന്റെ നിലവാരത്തിലും, ഉഭയകക്ഷി ഇടപാടുകളിലും - പ്രത്യേകിച്ച് സൗദി അറേബ്യയിലേക്കുള്ള പാകിസ്ഥാൻ കാർഷിക ഉല്പ്പന്നങ്ങളുടെ കയറ്റുമതി സംബന്ധിച്ച് - പാകിസ്ഥാൻ പ്രധാനമന്ത്രി സംതൃപ്തി പ്രകടിപ്പിച്ചു.
അതോടൊപ്പം, പാകിസ്ഥാൻ ആർമി ചീഫ് ഓഫ് സ്റ്റാഫ് ഫീല്ഡ് മാർഷല് അസിം മുനീറുമായി റാവല്പിണ്ടിയിലെ പാകിസ്ഥാൻ ആർമിയുടെ ജനറല് ആസ്ഥാനത്ത് സൗദി മന്ത്രി അല്ഫദ്ലി കൂടിക്കാഴ്ച നടത്തി.
കൂടിക്കാഴ്ചയില്, പരസ്പര താല്പ്പര്യമുള്ള നിരവധി വിഷയങ്ങള് ചർച്ചയായി. പാകിസ്ഥാനും സൗദി അറേബ്യയും തമ്മിലുള്ള ആഴത്തില് വേരൂന്നിയ സാഹോദര്യ ബന്ധത്തെക്കുറിച്ച് അസിം മുനീർ ഊന്നിപ്പറഞ്ഞു. ഇരു രാജ്യങ്ങളും തമ്മിലുള്ള ദീർഘകാല തന്ത്രപരമായ പങ്കാളിത്തം കൂടുതല് ശക്തിപ്പെടുത്തുന്നതിനുള്ള തന്റെ രാജ്യത്തിന്റെ പ്രതിബദ്ധത അദ്ദേഹം ആവർത്തിച്ചു.
മേഖലയില് സമാധാനവും സ്ഥിരതയും സ്ഥിരപ്പെടുത്തുന്നതിനായി പാകിസ്ഥാൻ വഹിക്കുന്ന നല്ല പങ്കിനെ സൗദി മന്ത്രി എഞ്ചി. അല്ഫദ്ലി പ്രശംസിച്ചു.