ഡല്‍ഹി: സാനിറ്ററി ഉത്പന്നങ്ങള്‍ സൗജന്യമാക്കുന്ന ആദ്യ രാജ്യമായി സ്കോഡ്ലാന്‍ഡ് . പീരിയഡ് പോവേര്‍ട്ടിക്ക് എതിരെ ഇത്തരത്തില്‍ ഒരു ചുവട് വെപ്പ് നടത്തുന്ന ലോകത്തിലെ ആദ്യ രാജ്യം കൂടിയാണ് സ്കോഡ്ലാന്‍ഡ്. സാനിറ്ററി പാഡ്സും ടാമ്ബണ്‍സും വാങ്ങാന്‍ കഴിയാത്ത നിരവധി ആളുകള്‍ക്കാണ് ഈ തീരുമാനം സഹായകരമാകുന്നത്.

പീരിയഡ് പ്രൊഡക്‌ട്സ് (ഫ്രീ പ്രൊവിഷന്‍) സ്കോട്ട്ലന്‍ഡ് ബില്‍ എന്ന് വിളിക്കുന്ന ഈ പുതിയ ബില്‍ പ്രകാരം, ടാംപണുകളും സാനിറ്ററി പാഡുകളും കമ്മ്യൂണിറ്റി സെന്ററുകള്‍, യൂത്ത് ക്ലബ്ബുകള്‍, ഫാര്‍മസികള്‍ തുടങ്ങിയ പൊതു സ്ഥലങ്ങളില്‍ സൗജന്യമായി ലഭ്യമാക്കും.

സ്കൂളുകളിലും കോളേജുകളിലും സൗജന്യമായി സാനിറ്ററി ഉല്‍പ്പന്നങ്ങള്‍ നല്‍കുന്ന ആദ്യത്തെ രാജ്യമായി 2018ല്‍ തന്നെ സ്കോട്ട്ലന്‍ഡ് മാറിയിരുന്നു.