ഇസ്ലാമിക ശരീഅത്ത് നിയമങ്ങളെക്കുറിച്ചും 'ബ്ലാക്ക് ലൈവ്സ് മാറ്റർ' പ്രസ്ഥാനത്തെ പിന്തുണച്ചും ഇവർ മുമ്പ് പങ്കുവെച്ച പോസ്റ്റുകളാണ് വിവാദത്തിനിടയാക്കിയത്.

തന്നെ ഉടൻ തന്നെ പഴയ പദവിയില്‍ തിരിച്ചെടുക്കണമെന്ന് ആവശ്യപ്പെട്ട് ഷൈമ സമർപ്പിച്ച ഹർജി നിരസിച്ച ജഡ്‌ജി മാർക്ക് പിറ്റ്മാൻ, ഇവരുടെ ഒന്നാം ഭരണഘടനാ ഭേദഗതി അധിഷ്ഠിതമായ വാദങ്ങള്‍ക്ക് വിജയിക്കാനുള്ള സാധ്യത കുറവാണെന്ന് നിരീക്ഷിച്ചു. ഷൈമയുടെ ജോലി നഷ്ടപ്പെട്ടിട്ടില്ലെന്നും, അവർക്ക് ഉയർന്ന ശമ്പളമുള്ള മറ്റു ചുമതലകളാണ് നല്‍കിയിട്ടുള്ളതെന്നും കോടതി ചൂണ്ടിക്കാട്ടി.

സ്കൂളിനും ജീവനക്കാർക്കും നേരെ ഭീഷണികള്‍ ഉയർന്നതിനാലാണ് സുരക്ഷ മുൻനിർത്തി ഇവരെ മാറ്റിയതെന്നാണ് സ്കൂള്‍ ഡിസ്ട്രിക്റ്റിന്റെ വിശദീകരണം. തിരിച്ചെടുക്കണമെന്ന ഹർജി തള്ളിയെങ്കിലും, കേസ് ഇപ്പോഴും കോടതിയുടെ പരിഗണനയിലുണ്ട്.