പുളിയുള്ള തൈര്, തേങ്ങയുടെ മധുരം, ജീരകത്തിന്റെ സുഗന്ധം, വെളിച്ചെണ്ണയില്‍ താളിച്ച കടുകിന്റെയും കറിവേപ്പിലയുടെയും മണവും ഒത്തുചേരുമ്പോള്‍ പപ്പടക്കറി സാധാരണ ഒരു കറിയല്ല, നാടൻ രുചിയുടെ ആഘോഷമായി മാറും. കഞ്ഞിക്കൊപ്പം കഴിച്ചാലും ചൂടുചോറിനൊപ്പം വിളമ്പിയാലും ഒരുപോലെ സ്വാദിഷ്ടമാണ് ഈ പപ്പടക്കറി.

പപ്പടം - 8 എണ്ണം

തൈര് (നന്നായി ഉടച്ചത്) - 2 കപ്പ്

തേങ്ങ ചിരണ്ടിയത് - 1 കപ്പ്

പച്ചമുളക് - 3 മുതല്‍ 4 എണ്ണം

ജീരകം - ½ ടീസ്പൂണ്‍

മഞ്ഞള്‍പ്പൊടി - ¼ ടീസ്പൂണ്‍

ഉപ്പ് - ആവശ്യത്തിന്

വെള്ളം - ആവശ്യത്തിന്

വെളിച്ചെണ്ണ - 2 ടേബിള്‍സ്പൂണ്‍

കടുക് - 1 ടീസ്പൂണ്‍

ഉലുവ - ¼ ടീസ്പൂണ്‍

വറ്റല്‍മുളക് - 2 എണ്ണം

കറിവേപ്പില - ഒരു തണ്ട്

ഒരു നുള്ള് കായപ്പൊടി

ആദ്യം പപ്പടം വെളിച്ചെണ്ണയില്‍ വറുത്തെടുക്കുകയോ തീയില്‍ ചുട്ടെടുക്കുകയോ ചെയ്യുക. അധിക എണ്ണ ഉണ്ടെങ്കില്‍ ടിഷ്യൂ പേപ്പറില്‍ വെച്ച്‌ മാറ്റിവയ്ക്കാം. തേങ്ങ, പച്ചമുളക്, ജീരകം, മഞ്ഞള്‍പ്പൊടി എന്നിവ വളരെ മൃദുവായി അരച്ചെടുക്കുക.

ഈ അരപ്പ് ഒരു ചട്ടിയിലേക്ക് മാറ്റി ആവശ്യത്തിന് വെള്ളം ചേർത്ത് ഉപ്പും ചേർത്ത് ചെറുതീയില്‍ മൂന്ന് മുതല്‍ അഞ്ച് മിനിറ്റ് വരെ ചൂടാക്കുക. തേങ്ങയുടെ പച്ചമണം മാറുന്നതുവരെ മാത്രം വേവിച്ചാല്‍ മതി. ഒത്തിരി തിളപ്പിക്കരുത്. പച്ചമണം മാറിക്കഴിയുമ്പോള്‍ തീ കുറച്ചശേഷം നന്നായി അടിച്ച തൈര് പതുക്കെ ചേർത്ത് തുടർച്ചയായി ഇളക്കുക. തൈര് ചേർത്ത ശേഷം വീണ്ടും തിളപ്പിച്ചാല്‍ പിരിഞ്ഞുപോകാൻ സാധ്യതയുള്ളതിനാല്‍ ചൂടാകുന്നതുവരെ മാത്രം വയ്ക്കുക.