സുരക്ഷാ മുൻകരുതലുകളുടെ ഭാഗമായും സിവില്‍ ഏവിയേഷൻ ഡയറക്ടറേറ്റിന്റെ മാർഗനിർദേശങ്ങള്‍ അനുസരിച്ചും ചില ഭക്ഷണസാധനങ്ങള്‍, മരുന്നുകള്‍, ഇലക്‌ട്രോ
ണിക് വസ്തുക്കള്‍ എന്നിവക്ക് പൂർണ നിരോധനമോ ഭാഗിക നിയന്ത്രണമോ ഏർപ്പെടുത്തിയിട്ടുണ്ട്.

ഉണങ്ങിയ നാളികേരം, ഉണക്കിപ്പൊടിച്ച തേങ്ങ എന്നിവ വിമാനങ്ങളില്‍ പൂർണമായും നിരോധിച്ചിട്ടുണ്ട്. എന്നാല്‍ പച്ചത്തേങ്ങ ചെക്കിൻ ലഗേജില്‍ കൊണ്ടുപോകാം. മുളകുപൊടി ഉള്‍പ്പെടെയുള്ള സുഗന്ധവ്യഞ്ജനപ്പൊടികള്‍ ഹാൻഡ് ലഗേജില്‍ അനുവദിക്കില്ലെങ്കിലും ചെക്കിൻ ലഗേജില്‍ കൊണ്ടുപോകാം. നെയ്യ്, പാചക എണ്ണ, അച്ചാറുകള്‍ എന്നിവ പരമാവധി അഞ്ച് കിലോഗ്രാം/ലിറ്റർ വരെ കൊണ്ടുപോകാൻ അനുമതിയുണ്ട്. എന്നാല്‍ മുളക് അച്ചാർ ചെക്കിൻ ലഗേജില്‍ മാത്രമേ അനുവദിക്കൂ. താംബൂലം (പാൻ), വേവിച്ച ഭക്ഷണങ്ങള്‍ എന്നിവ യു എ ഇയിലേക്ക് കൊണ്ടുവരാൻ അനുവാദമില്ല.

കശകശ (പോപ്പി സീഡ്സ്), ദുർഗന്ധം വമിക്കുന്ന ചിലതരം പഴങ്ങള്‍, കളിപ്പാട്ടത്തോക്കുകള്‍, ആയുധങ്ങളുടെ മാതൃകകള്‍, വടിയും അളവുനാടയും, സ്‌ഫോടകവസ്തുക്കള്‍ തുടങ്ങിയവ ലഗേജുകളില്‍ പൂർണമായും നിരോധിച്ചിട്ടുണ്ട്. യു എ ഇ നിരോധിച്ചതോ നിയന്ത്രിത പട്ടികയില്‍ ഉള്‍പ്പെടുത്തിയതോ ആയ മരുന്നുകള്‍ കൈവശമുള്ളവർ യാത്രക്ക് മുന്നോടിയായി എമിറേറ്റ്‌സ് മന്ത്രാലയത്തിന്റെ വെബ്സൈറ്റ് വഴി മുൻകൂട്ടി അനുമതി പത്രവും ഡോക്ടറുടെ കുറിപ്പടിയും വാങ്ങേണ്ടതുണ്ട്. ലഹരിവസ്തുക്കളും മയക്കുമരുന്നുകളും രാജ്യത്തേക്ക് കൊണ്ടുവരുന്നത് കടുത്ത കുറ്റകൃത്യമാണ്.

വിമാനക്കമ്പനികളുടെയും ഇരുരാജ്യങ്ങളിലെയും കസ്റ്റംസ് നിയമങ്ങള്‍ മാറിയേക്കാം എന്നതിനാല്‍ യാത്രക്ക് തൊട്ടുമുമ്പ് നിയന്ത്രണങ്ങള്‍ ഉറപ്പുവരുത്തണമെന്ന് അധികൃതർ ഓർമിപ്പിച്ചു.

Content Highlights:
Authorities urge NRIs returning to UAE after summer vacation to strictly adhere to airline and customs baggage rules. Dry coconut, pan, poppy seeds, and specific medicines are banned, while items like spices and ghee have strict limits. Travelers must secure approvals for restricted medicines.