ഒമ്പത് രാജ്യങ്ങളില്‍ നിന്നായി നൂറോളം താരങ്ങള്‍ പങ്കെടുത്ത ചാമ്പ്യൻഷിപ്പില്‍, 10-12 വയസ്സ് പ്രായക്കാരുടെ 36-38 കിലോഗ്രാം ഭാരവിഭാഗത്തിലാണ് ഈ പത്തു വയസ്സുകാരൻ മിന്നുന്ന വിജയം നേടിയത്.

പ്രാഥമിക പോരാട്ടങ്ങളില്‍ ആതിഥേയരായ നേപ്പാളിന്റെയും ഡല്‍ഹിയുടെയും ശക്തരായ എതിരാളികളെ മറികടന്നാണ് ഇയാസ് ഫൈനലിലേക്ക് മുന്നേറിയത്. ഫൈനലില്‍ വാശിയേറിയ പോരാട്ടം പുറത്തെടുത്താണ് താരം വെള്ളി മെഡല്‍ ഉറപ്പിച്ചത്.

ബാലുശ്ശേരി മർകസ് പബ്ലിക് സ്കൂളിലെ വിദ്യാർത്ഥിയായ ഇയാസ്, യോഷികാൻ ഫൈറ്റേഴ്സ് ഫാക്ടറി ക്ലബ്ബിലെ പരിശീലകരായ ഷൈജേഷ്, ലിബിൻ എന്നിവരുടെ കീഴിലാണ് പരിശീലനം നടത്തുന്നത്. പ്രമുഖ ആർക്കിടെക്ചറല്‍ സ്ഥാപനത്തിലെ എസ്റ്റിമേഷൻ എൻജിനീയറിംഗ് തലവനായ നിസാറിന്റെയും ജസ്നയുടെയും ഇളയ മകനാണ് ഇയാസ്. ബോക്സിംഗ് താരമായ മുഹമ്മദ് ഹാദിയാണ് സഹോദരൻ.

കാഠ്മണ്ഡു ഡെപ്യൂട്ടി മേയർ, വേള്‍ഡ് മിക്സ് ബോക്സിംഗ് ഫെഡറേഷൻ സ്ഥാപകനും സെക്രട്ടറിയുമായ റാഗേഷ് മസ്കർ എന്നിവർ പങ്കെടുത്ത സമാപന ചടങ്ങില്‍ വിജയികള്‍ക്ക് മെഡലുകള്‍ സമ്മാനിച്ചു. ചെറുപ്രായത്തില്‍ തന്നെ രാജ്യത്തിന്റെയും നാടിന്റെയും പേരുയർത്തിയ ഇയാസിനെ മർകസ് സ്കൂള്‍ മാനേജ്മെന്റും അധ്യാപകരും അഭിനന്ദിച്ചു.

Content Highlights:
10-year-old Eyas Muhammad from Balussery won a silver medal at the World Mix Boxing Championship in Nepal. Competing in the 36-38 kg category for ages 10-12, he defeated top opponents from Nepal and Delhi to reach the finals. Markaz Public School praised his historic achievement.