Wednesday, 27 Jan, 11.16 am Sports Malayalam

ഫുട്ബോള്‍
കരിയര്‍ അവസാനിപ്പിക്കാന്‍ ചെല്‍സിയില്‍ തിരിച്ചെത്തണം; ആ​ഗ്രഹം പരസ്യമാക്കി സൂപ്പര്‍താരം

ഇം​ഗ്ലീഷ് പ്രീമിയര്‍ ലീ​ഗ് ക്ലബ് ചെല്‍സിയുടെ കഴിഞ്ഞ പതിറ്റാണ്ടിലെ ഏറ്റവും മികച്ച താരങ്ങളിലൊരാളാണ് ഓസ്കാര്‍. ബ്രസീലിയന്‍ മധ്യനിരതാരമായ ഓസ്കാര്‍ ഇപ്പോള്‍ ചൈനീസ് ലീ​ഗില്‍ കളിക്കുകയാണ്. എന്നാല്‍ കരിയര്‍ അവസാനിപ്പിക്കാനായി ചെല്‍സിയില്‍ തിരിച്ചെത്തണമെന്നാണ് തന്റെ ആ​ഗ്രഹമെന്നാണ് ഓസ്കാര്‍ ഇപ്പോള്‍ പറയുന്നത്.

ചൈന വിടാന്‍ ഞാനിപ്പോള്‍ ആ​ഗ്രഹിക്കുന്നില്ല, കാരണം എനിക്ക് മുന്നില്‍ ഇവിടെ വലിയൊരു പദ്ധതിയുണ്ട്, എന്നാല്‍ കരിയര്‍ അവസാനിപ്പിക്കാനായി എനിക്ക് ചെല്‍സിയില്‍ തിരിച്ചെത്തണമെന്നാണ് ആ​ഗ്രഹം, ഒരു ബ്രസീലിയന്‍ മാധ്യമത്തോട് ഓസ്കാര്‍ പറഞ്ഞു. ചെല്‍സിയിലെ എന്റെ കരിയര്‍ ഒരു സുന്ദരകഥയാണ്, ആരാധകര്‍ ബ്രസീലിയന്‍ താരങ്ങളെ വിശ്വസിക്കാതിരുന്ന കാലത്താണ് ‍ഞാന്‍ അവിടെ എത്തുന്നത്, ആരാധകരുടെ ആ ധാരണ മാറ്റിയെടുക്കാന്‍ പിന്നീട് എനിക്കായി, വീണ്ടും ചെല്‍സിയേക്ക് പോകാന്‍ ശ്രമിക്കുമ്ബോള്‍ എനിക്ക് കുറേക്കൂടി പ്രായമാകും, എന്നാലും മികച്ച പ്രകടനമാണ് ഞാനിപ്പോഴും നടത്തുന്നത്, ചെല്‍സിയില്‍ ഇപ്പോഴും എനിക്ക് സ്ഥാനമുണാകുമെന്നാണ് ഞാന്‍ കരുതുന്നത്, ഓസ്കാര്‍ പറഞ്ഞു.

2012-ല്‍ ബ്രസീലിയന്‍ ക്ലബ് ഇന്റര്‍നാസിയോണലില്‍ നിന്നാണ് ഓസ്കാര്‍ ചെല്‍സിയിലെത്തുന്നത്. തുടര്‍ന്ന് അഞ്ച് വര്‍ഷം ചെല്‍സിയുടെ നീലക്കുപ്പായമണിഞ്ഞു. 2017-ലാണ് വന്‍ ട്രാന്‍സ്ഫര്‍ തുകയ്ക്ക് ചൈനീസ് ക്ലബ് ഷാങ്ഹായ് സിപ്ജ് ഓസ്കാറിനെ റാഞ്ചുന്നത്.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Sports Malayalam
Top