ഫുട്ബോള്‍
സൂപ്പര്‍താരങ്ങള്‍ തിരിച്ചെത്തി, അഞ്ച് മാറ്റങ്ങള്‍; ബ്ലാസ്റ്റേഴ്സ് പട ഇങ്ങനെ

ഇന്ത്യന്‍ സൂപ്പര്‍ ലീ​ഗില്‍ ജെംഷദ്പുര്‍ എഫ്.സിയെ നേരിടുന്ന കേരളാ ബ്ലാസ്റ്റേഴ്സ് ടീമില്‍ നിര്‍ണായക മാറ്റങ്ങള്‍. ​ഗോവയ്ക്കെതിരായ കഴിഞ്ഞ മത്സരം കളിച്ച ടീമില്‍ നിന്ന് അഞ്ച് മാറ്റങ്ങളാണ് വരുത്തിയിരിക്കുന്നത്. സൂപ്പര്‍താരം ഫാക്കുന്‍ഡോ പെരേയ്ര ഇന്ന് സ്ക്വാഡിലില്ല.

അല്‍ബിനോ ​ഗോമസ് തന്നെയാണ് ഇന്നും ബ്ലാസ്റ്റേഴ്സ് വലകുലുക്കുന്നത്. പ്രതിരോധനിരയിലേക്ക് ക്യാപ്റ്റന്‍ ജെസ്സല്‍ കാര്‍നെയ്റോയും സിംബാവെ താരം കോസ്റ്റ നമോയ്നേസുവും തിരിച്ചെത്തി. ജീക്സന്‍ സിങ്ങിനും ദെനചന്ദ്ര മീത്തെയ്ക്കും പകരമാണിവര്‍ ഇറങ്ങുന്നത്. ബെക്കാരി കോനെയും സന്ദീപ് സിങ്ങും പ്രതിരോധത്തിലെ സ്ഥാനം നിലനിര്‍ത്തി.

മധ്യനിരയില്‍ വിസെന്റെ ​ഗോമസിനും സഹല്‍ അബ്ദുള്‍ സമദിനുമൊപ്പം പൂയ്റ്റിയയും രോഹിത് കുമാറുമാണിറങ്ങുന്നത്. മുന്നേറ്റനിരയില്‍ ​ഗാരി ഹൂപ്പര്‍-ജോര്‍​ദാന്‍ മറെ സഖ്യം തിരിച്ചെത്തി. സ്പാനിഷ് താരം ജുവാന്‍ഡെ ഇന്ന് പകരക്കാരുടെ ബെഞ്ചിലാണ്. ജീക്സന്‍ സിങ്ങും മലയാളി താരം കെ.പി.രാഹുലും സസ്പെന്‍ഷനെ തുടര്‍ന്ന് പുറത്താണ്.