ഇതിന്റെ ഭാഗമായി രാജ്യത്ത് ഇലക്‌ട്രിക് വാഹനങ്ങളുടെ ഉപയോഗം വര്ധിച്ചുവരുന്നതായും ഈ വര്ഷം അവസാനത്തോടെ 8,000 വൈദ്യുത വാഹനങ്ങള് നിരത്തിലുണ്ടാകുമെന്നാണ് പ്രതീക്ഷിക്കുന്നതെന്നും അധികൃതര് അറിയിച്ചു.

നിലവില് രാജ്യത്ത് 5,800ലേറെ ഇലക്‌ട്രിക് വാഹനങ്ങള് രജിസ്റ്റര് ചെയ്തിട്ടുണ്ടെന്ന് ഒമാന് സെന്റര് ഫോര് നെറ്റ് സീറോ അധികൃതര് വ്യക്തമാക്കി. പെട്രോള്, ഡീസല് വാഹനങ്ങളില്നിന്ന് കൂടുതല് ആളുകള് വൈദ്യുത വാഹനങ്ങളിലേക്ക് മാറുന്നതിന്റെ സൂചനയായാണ് ഈ വളര്ച്ച വിലയിരുത്തപ്പെടുന്നത്.

പരിസ്ഥിതി സൗഹൃദ ഗതാഗത സംവിധാനം പ്രോത്സാഹിപ്പിക്കുന്നതിനായി സര്ക്കാര് വിവിധ പദ്ധതികളാണ് നടപ്പാക്കുന്നത്. പ്രധാന നഗരങ്ങളിലെയും ഹൈവേകളിലെയും ഇന്ധന സ്റ്റേഷനുകളിലെയും ചാര്ജിങ് സ്റ്റേഷനുകളുടെ എണ്ണം കൂട്ടാനുള്ള നടപടികളും പുരോഗമിക്കുകയാണ്.

വൈദ്യുതി ഉല്പാദന മേഖലയിലും ഒമാന് വലിയ മാറ്റങ്ങള്ക്ക് തയ്യാറെടുക്കുകയാണ്. 2030ഓടെ രാജ്യത്തെ വൈദ്യുതി ഉല്പാദനത്തിന്റെ വലിയൊരു പങ്ക് പുനരുപയോഗ ഊര്ജ സ്രോതസ്സുകളില്നിന്ന് ലഭ്യമാക്കാനാണ് സര്ക്കാര് പദ്ധതിയിടുന്നത്. സൗരോര്ജവും കാറ്റാടിയും ഉള്പ്പെടെയുള്ള ഹരിത ഊര്ജ പദ്ധതികള്ക്ക് ഇതിനകം കൂടുതല് പ്രാധാന്യം നല്കി തുടങ്ങിക്കഴിഞ്ഞു.

ഗ്രീന് ഹൈഡ്രജന് ഉല്പാദന മേഖലയിലും ഒമാന് ശ്രദ്ധ കേന്ദ്രീകരിക്കുന്നുണ്ട്. ഭാവിയില് ശുദ്ധ ഊര്ജ രംഗത്തെ പ്രധാന കേന്ദ്രങ്ങളിലൊന്നായി മാറുകയാണ് രാജ്യത്തിന്റെ ലക്ഷ്യം. ഇതിനായി വിവിധ അന്താരാഷ്ട്ര കമ്പനികളുമായി ചേര്ന്ന് വന് പദ്ധതികളും നടപ്പാക്കുന്നുണ്ട്.

കാലാവസ്ഥാ വ്യതിയാനത്തെ ചെറുക്കുന്നതിനുള്ള ആഗോള ശ്രമങ്ങളുടെ ഭാഗമായാണ് ഒമാന് 'നെറ്റ് സീറോ 2050' പദ്ധതി മുന്നോട്ടുകൊണ്ടുപോകുന്നത്. ഗതാഗതം, ഊര്ജം, വ്യവസായം തുടങ്ങിയ മേഖലകളില്നിന്നുള്ള കാര്ബണ് പുറന്തള്ളല് കുറയ്ക്കാന് കൂടുതല് നടപടികള് ഭാവിയിലും നടപ്പാക്കുമെന്ന് അധികൃതര് അറിയിച്ചു.

Oman is moving towards its Net Zero 2050 goal with a rise in electric vehicles, aiming to have 8,000 EVs on the roads by the end of this year.