ദുബൈയിലെ പ്രധാന വിനോദസഞ്ചാര കേന്ദ്രങ്ങളിലൊന്നായ അല്‍ മംസർ ബീച്ച്‌ വിപുലമായ നവീകരണ പ്രവർത്തനങ്ങള്‍ക്ക് ശേഷം സന്ദർശകർക്കായി തുറന്നുകൊടുത്തു.

ദുബൈ മുനിസിപ്പാലിറ്റി നടപ്പിലാക്കുന്ന 50 കോടി ദിർഹത്തിന്റെ വൻകിട വികസന പദ്ധതിയുടെ ഒന്നാം ഘട്ടമാണ് പൂർത്തിയായത്. രണ്ടാം ഘട്ടം കൂടി പൂർത്തിയാകുന്നതോടെ പ്രതിവർഷം 70 ലക്ഷം സന്ദർശകർ ഇവിടെ എത്തുമെന്നാണ് പ്രതീക്ഷിക്കുന്നത്.

27.5 ലക്ഷം ചതുരശ്ര അടിയില്‍ വ്യാപിച്ചുകിടക്കുന്ന ബീച്ചിലെ പ്രധാന ആകർഷണങ്ങള്‍ ഇവയാണ്:

1. ഫ്ലോട്ടിങ് വാക്ക്വേ

മേഖലയിലെ തന്നെ ഇത്തരത്തിലുള്ള ആദ്യത്തെ സംരംഭമാണിത്. വെള്ളത്തിന് മുകളിലൂടെയുള്ള ഈ നടപ്പാത സന്ദർശകർക്ക് പുതിയൊരു അനുഭവം നല്‍കും. കയാക്കിങ്, പാഡിലിങ് തുടങ്ങിയ ജലകായിക വിനോദങ്ങളില്‍ ഏർപ്പെടുന്നവർക്ക് ബീച്ചിലേക്ക് ഇറങ്ങാനുള്ള ഒരു കേന്ദ്രം കൂടിയാണിത്.

2. ട്രാക്കുകള്‍

ഓട്ടത്തിനും നടത്തത്തിനും സൈക്ലിങ്ങിനുമായി 5.5 കിലോമീറ്റർ നീളത്തില്‍ പ്രത്യേകം ട്രാക്കുകള്‍ സജ്ജീകരിച്ചിട്ടുണ്ട്. സൈക്കിള്‍ യാത്രക്കാർക്കായി സൗജന്യമായി ഉപയോഗിക്കാവുന്ന സ്വയം റിപ്പയറിങ് സ്റ്റേഷനുകളും ഇവിടെയുണ്ട്.

3. രാത്രി നീന്തല്‍

ജുമൈറയ്ക്കും ഉമ്മു സുഖീമിനും പിന്നാലെ അല്‍ മംസറിലും രാത്രി നീന്തലിനുള്ള സൗകര്യം ഒരുക്കി. 300 മീറ്റർ ഉയരമുള്ള ലൈറ്റിങ് ടവർ സ്ഥാപിച്ചതോടെ 24 മണിക്കൂറും സന്ദർശകർക്ക് ഇവിടെ കടലില്‍ ഇറങ്ങാൻ സാധിക്കും. വേനല്‍ക്കാലത്ത് വൈകുന്നേരങ്ങളില്‍ എത്തുന്നവർക്ക് ഇത് വലിയ ആശ്വാസമാകും.

4. പുതിയ കായിക സൗകര്യങ്ങള്‍

പാഡല്‍ കോർട്ട്, വോളിബോള്‍, ഫുട്ബോള്‍ മൈതാനങ്ങള്‍, കുട്ടികള്‍ക്കായുള്ള കളിസ്ഥലങ്ങള്‍, ഔട്ട്ഡോർ ജിം എന്നിവ പുതുതായി ഒരുക്കിയിട്ടുണ്ട്. ഇതിനുപുറമെ ജെറ്റ് സ്കീയിങ്, ഫ്ലൈബോർഡിങ് തുടങ്ങിയ വിനോദങ്ങളും ലഭ്യമാണ്. കുടുംബാംഗങ്ങള്‍ക്കൊപ്പം ഒത്തുചേരാൻ പ്രത്യേക ബാർബിക്യൂ സോണുകളും സജ്ജീകരിച്ചിട്ടുണ്ട്.

5. വിശാലമായ ബീച്ച്‌