കോഴിക്കോട്: കേന്ദ്ര കാലാവസ്ഥാ വകുപ്പിന്റെ മുന്നറിയിപ്പിനെ തുടർന്ന് കോഴിക്കോട് ജില്ലയില്‍ നാളെ (ഒക്ടോബർ 25 ഞായർ) കനത്ത കാറ്റിനും മഴയ്ക്കും സാധ്യതയുള്ളതിനാല്‍ അങ്കണവാടികള്‍, മദ്റസകള്‍, ട്യൂഷൻ സെന്ററുകള്‍, പാരലല്‍ കോളേജുകള്‍, മറ്റ് കോച്ചിങ് സെന്ററുകള്‍ ഉള്‍പ്പെടെ വിദ്യാഭ്യാസ സ്ഥാപനങ്ങള്‍ക്ക് ജില്ലാ ദുരന്തനിവാരണ അതോറിറ്റി ചെയർപേഴ്സണ്‍ കൂടിയായ ജില്ലാ കലക്ടർ അവധി പ്രഖ്യാപിച്ചു.
റസിഡൻഷ്യല്‍ വിദ്യാഭ്യാസ സ്ഥാപനങ്ങള്‍ക്കും ഹോസ്റ്റലുകള്‍ക്കും അവധി ബാധകമല്ല. എന്നാല്‍, ഇത്തരം സ്ഥാപനങ്ങളില്‍ താമസിക്കുന്ന വിദ്യാർഥികളുടെ സുരക്ഷ ഉറപ്പാക്കാൻ സ്ഥാപന മേധാവികള്‍ ആവശ്യമായ നടപടികള്‍ സ്വീകരിക്കണം. മുൻകൂട്ടി നിശ്ചയിച്ച സർവകലാശാലാ, പൊതുപരീക്ഷകള്‍ക്ക് അവധി ബാധകമല്ല. പരീക്ഷകള്‍ നടത്തുന്ന സ്ഥാപനങ്ങള്‍ വിദ്യാർഥികളുടെ സുരക്ഷ ഉറപ്പാക്കണം.
കനത്ത മഴയുള്ള സമയങ്ങളില്‍ വിദ്യാർഥികള്‍ ജലാശയങ്ങള്‍, തോടുകള്‍, മരങ്ങള്‍ക്കു സമീപം, മണ്ണിടിച്ചില്‍ സാധ്യതയുള്ള പ്രദേശങ്ങള്‍ എന്നിവിടങ്ങളിലേക്ക് പോകാതിരിക്കാൻ സ്ഥാപന മേധാവികളും അധ്യാപകരും രക്ഷിതാക്കള്‍ക്ക് ആവശ്യമായ നിർദേശങ്ങള്‍ നല്‍കണം. ആവശ്യമെങ്കില്‍ ഓണ്‍ലൈൻ ക്ലാസുകള്‍ ക്രമീകരിക്കാവുന്നതാണ്.
Heavy rain triggers a holiday for all educational institutions in Kozhikode district tomorrow. Authorities advise residents to stay safe and cautious.