അബൂദബി: കൊഴുപ്പ്, ഉപ്പ്, പഞ്ചസാര എന്നിവയുടെ അളവ് കൂടുതലുള്ളതും ശരീരത്തിന് ഹാനികരവുമായി ഭക്ഷണപാനീയങ്ങള് സൂപ്പര്മാര്ക്കറ്റുകളിലെ ഏറ്റവും ശ്രദ്ധേയമായ ഇടങ്ങളില് പ്രദര്ശിപ്പിക്കുന്നത് നിയന്ത്രിക്കാന് അബൂദബി.

ആരോഗ്യകരമായ ഭക്ഷണ തിരഞ്ഞെടുപ്പ് എളുപ്പമാക്കുക എന്ന ലക്ഷ്യത്തോടെയാണ് ആരോഗ്യകരമായ ജീവിത പരിപാടിയുടെ ഭാഗമായി പുതിയ നയം കൊണ്ടുവരുന്നത്. ആരോഗ്യവകുപ്പ്, അബൂദബി പബ്ലിക് ഹെല്ത്ത് സെന്റര്, അബൂദബി ക്വാളിറ്റി ആന്ഡ് കോണ്ഫോര്മിറ്റി കൗണ്സില്, അബൂദബി കൃഷിഭക്ഷ്യസുരക്ഷാ അതോറിറ്റി തുടങ്ങിയ സ്ഥാപനങ്ങളുടെ സഹകരണത്തോടെയാണ് നയം രൂപപ്പെടുത്തിയത്.

സ്കൂള് ഭക്ഷണവുമായി ബന്ധപ്പെട്ട നിയന്ത്രണങ്ങളും ഫാസ്റ്റ് ഫുഡ് പരസ്യങ്ങള്ക്കുള്ള നിയന്ത്രണങ്ങളും ഉള്പ്പെടെ അബൂദബി നടപ്പാക്കിവരുന്ന ആരോഗ്യപ്രചാരണങ്ങളുടെ തുടര്ച്ചയായാണ് പുതിയ നടപടി.

English Summary:
Abu Dhabi will itnroduce mandatory retsrictions from January 1, 2027, preventing foods and drinks high in fat, salt or sugar from being prominently displayed in supermarkets and online retail platforms. The rules will apply to physical stores larger than 4,000 square feet and cover high-visibiltiy locations such as etnrances, end-of-aisle displays and checkout counters. The products will still be available for purchase; the policy targets visibiltiy and impulse buying rather than availabilit