₹63,200 വരെ ശമ്പളം ലഭിക്കുന്ന തസ്തികയാണിത്. അപേക്ഷകള്‍ ഓഫ്ലൈനായാണ് സമർപ്പിക്കേണ്ടത്.

തസ്തികകളും ഒഴിവുകളും

സ്റ്റാഫ് കാർ ഡ്രൈവർ (ഓർഡിനറി ഗ്രേഡ്) – 11 ഒഴിവുകള്‍. ഇത് ഇന്ത്യ പോസ്റ്റിന്റെ ബെംഗളൂരു പോസ്റ്റല്‍ റീജിയന്റെ കീഴിലുള്ള നിയമനമാണ്.

പ്രായപരിധി

അപേക്ഷകർക്ക് 56 വയസ് വരെയാണ് പ്രായപരിധി. കേന്ദ്രസർക്കാർ ചട്ടപ്രകാരമുള്ള സംവരണ വിഭാഗങ്ങള്‍ക്ക് അനുവദനീയമായ പ്രായ ഇളവ് ലഭിക്കും.

യോഗ്യത

പത്താം ക്ലാസ് പാസായിരിക്കണം. സാധുവായ ലൈറ്റ് മോട്ടോർ വെഹിക്കിള്‍ (LMV) ഡ്രൈവിങ് ലൈസൻസ് ഉണ്ടായിരിക്കണം. മോട്ടോർ മെക്കാനിസത്തെക്കുറിച്ച്‌ അടിസ്ഥാന പരിജ്ഞാനം വേണം. വാഹനമോടിക്കുന്നതില്‍ കുറഞ്ഞത് മൂന്ന് വർഷത്തെ പ്രവൃത്തിപരിചയം ആവശ്യമാണ്. ഹോം ഗാർഡ്/സിവില്‍ വോളന്റിയർ വിഭാഗത്തില്‍ മൂന്ന് വർഷത്തെ സേവനമുള്ളവർക്ക് മുൻഗണന ലഭിക്കും.

ശമ്പളം

സ്റ്റാഫ് കാർ ഡ്രൈവർ തസ്തികയ്ക്ക് പേ ലെവല്‍ 2 പ്രകാരമാണ് ശമ്പളം. പ്രതിമാസം ₹19,900 മുതല്‍ ₹63,200 വരെ ശമ്പളം ലഭിക്കും. ഇതിന് പുറമെ കേന്ദ്രസർക്കാർ ജീവനക്കാർക്ക് അനുവദിക്കുന്ന മറ്റ് ആനുകൂല്യങ്ങളും ബാധകമായിരിക്കും.

സെലക്ഷൻ രീതി

യോഗ്യരായ അപേക്ഷകരെ ഡ്രൈവിങ് ടെസ്റ്റിന് വിധേയരാക്കും. വാഹനമോടിക്കുന്നതിലുള്ള പ്രായോഗിക പരിജ്ഞാനം പരിശോധിച്ച ശേഷമായിരിക്കും അന്തിമ തിരഞ്ഞെടുപ്പ്.

അപേക്ഷിക്കേണ്ട വിധം

താല്‍പര്യമുള്ള ഉദ്യോഗാർഥികള്‍ ഔദ്യോഗിക വിജ്ഞാപനത്തില്‍ നല്‍കിയിരിക്കുന്ന അപേക്ഷാ ഫോമില്‍ ആവശ്യമായ വിവരങ്ങള്‍ പൂരിപ്പിക്കണം. വിദ്യാഭ്യാസ യോഗ്യത, ഡ്രൈവിങ് ലൈസൻസ്, പ്രവൃത്തിപരിചയം തുടങ്ങിയ രേഖകളുടെ പകർപ്പുകള്‍ സഹിതം അപേക്ഷ തപാല്‍ മാർഗം സമർപ്പിക്കണം. അപേക്ഷ അയയ്ക്കുന്നതിന് മുമ്പ് ഔദ്യോഗിക വിജ്ഞാപനത്തിലെ വിലാസവും മറ്റ് നിർദേശങ്ങളും കൃത്യമായി പരിശോധിക്കണം.

വെബ്സൈറ്റ്: https://www.indiapost.gov.in/vacancies/recruitments